37 Wayi buewa dagge, Daawiti katami widira higge huxxu dirima fulte Daawiti mine mootenniha sa'e, soojjaatoonni noohuwa Wayi Waalchiwa martu.
Hakkiichinnino sae, katamaho soojjaatoonni aliyye ragira, «Buichote Waalcho» yinanniwanna mootete kofamewa maroommo. Kayinnilla, gulufoommo harrichi diigantino kinna aanaanni hige sa"anno faro diafi'rino.
Israeelete manni lamalki aganira katammansara darga amada gudi. Hakko aganira umi barra Yerusaalamete Wayi Waalcho yinanni xawira mannu baalunku mitteenni gamba yii. Hakkunni gedensaanni Maganu Muse widoonni Israeelete mannira uyino seera amadino maxaafa abbannonsa gede qeesichu Izirara kultu.
Kunnira, mannu fule sinna mure haa're abbi. Mittu mittu minisi aana, nafarasi, Qullaawu Mini nafara, Wayi Waalchiranna Efireemi nafara daassa qasi.
Hakko xawira Izira huxxu waalchi mule uurre soodinni barri geeshsha Seeru Maxaafa naggi yitino qoonqonni nabbawi. Mannu baalunku lowo geeshsha diinaggaawe macciishshi.