NEHIMIYA 12:27 - Qullaawa Maxaafa

²⁷ Yerusaalamete huxxa maassi'ni barra, Leewaawootu noo noowiinni xinqisiisante daggu. Insano dagge tsenaatsiletenni, baganunninna maasinqotenni galatu faarso faarsitanni jila iibbishshu.

NEHIMIYA 12:27 ပူးပေါင်းရင်းမြစ်များ

LAYINKI SAAMUEELI 6:12

Gondooru Taabooti daafira Kaaliiqi Abidaara maatenna afi'rinore baala maassi'rinota moote Daawiti macciishshi. Daawitino mare Maganu Taaboota Abidaara mininni lowo hagiirrinni haa're Yerusaalame abbi.

UMI MOOTOOLLA 8:63

Selemooni 22,000 bootta, 120,000 ge'reewonna me"e mittimmate kakkalora shiqishi. Kunni garinni moote Selemooninna Israeele baalanti Kaaliiqiha Qullaawa Mine maassidhu.

UMI DUDUWO 13:8

Daawitinna Israeelete manni baalu maasinqo, bagananna dibbe gantanni, tsenaatsile gantanninna xurumba ufuuffanni faarsitanni, noonsa wolqa baalatenni Maganu ayirrinyira qeexaa'litu.

UMI DUDUWO 15:12

Leewaawoota, «Ki'ne boosaalli'nera albisootaho. Israeelete Magani Kaaliiqiha Gondooru Taaboota qixxeessoommo dargira dukkine abbitinanni gede ki'neneetenna ilama'ne baala keereense.

UMI DUDUWO 15:16

Daawiti roduuwinsa giddonni baganunni, maasinqotenninna tsenaatsiletenni hagiidhitanni faarsitannore wortanno gede albissanno Leewaawoota hajaji.

UMI DUDUWO 15:28

Kunni garinni Israeelete manni baalunku buudunnihanna siwiilu xurumba ufuufanni, tsenaatsile gananni, maasinqonna bagana gananni hagiidhanninna ilillisanni Gondooru Taaboota duhe Yerusaalame abbi.

UMI DUDUWO 15:4

Aarooni ilamanna Leewaawoota woshshanno mannano soyi.

UMI DUDUWO 16:42

Hemaaniranna Yidutunira xurumbuwate, tsenaatsillatenna galatu faarso faarsinanni yannara gannannihura wolu muuziiqu uduunnira annimma uyinonsa. Yidutuni boosaalli mannira huxxu waalchuwa agarate annimma uyinonsa.

UMI DUDUWO 16:5

Asaafi albisa, Zakkaariyaasino isi kaa'laancho assine worri. Yihieeli, Shemiramooti, Yi"ieeli, Matiitiya, Eeliaabi, Beenaya, Abidaaranna Yihieeli maasinqonna bagana ganate, Asaafi qolle tsenaatsile ganate worri.

UMI DUDUWO 23:5

Shoole kume ikkitannore qole agaraasine assini. Wolootu shoolu kumi qolte, moote aannonsahunni muuziiqu uduunninni faarsotenni Kaaliiqa galattanno gede worri.

UMI DUDUWO 26:31

Kebirooni ilamara roorrichu Yiriyaati. Daawiti moohihunni shoyilliikki diro tajete borro giddo hanse Geleaadi gobbara Yaizeeri yinanni darga heedhannore Kebirooni ilama ikkitinore jawaata manna anfoonni.

LAYINKI DUDUWO 29:25

Alba Kaaliiqi Daawitira mootete masaalaanchi Gaadinna himanaanchu Naataani widoonni qole hajajinosi garinni, kunnira woroonni noo coye wonshino: Moote Hiziqiyaasino Daawiti assino garinni bagana, tsenaatsilenna maasinqo gana egentino Leewaawoota Qullaawa Mine wori.

LAYINKI DUDUWO 29:30

Hiziqiyaasinna roorrootu Daawitinna himanaanchu Asaafi fushshitinota galatu faarso Leewaawootu faarsitanno gede assitu. Insano umo heeshshi yite lowo hagiirrinni faarsitu.

LAYINKI DUDUWO 5:13

Insano xurumba ufuuffanni, faarsaano baala, tsenaatsiletenni, baganunninna wolu muuziiqu uduunninni, «Shaqqado ikkino daafira, baxillisino hegereha ikkino daafira, Kaaliiqa galattesi!» yitanni mitte qoonqonni Kaaliiqa galattu. Konne mereero hedeweelcho xawannohu, Kaaliiqi ayirrinye leellishanno gomichi Qullaawa Mine wo'mino daafira qeesootu uurrite soqqama nafa didandiitino.

LAYINKI DUDUWO 7:6

Qeesootu hendoonninsa darga uurritu. Leewaawootuno insara albaanni uurrite alba moote Daawiti Kaaliiqa galatate qixxeessinoha muuziiqu uduunne gantanni, «Bagamannokkihu baxillisi hegereho» yitanni Kaaliiqa galattu. Qeesootu xurumba ufuuffanno woyite Israeelete manni baalunku uurre no.

IZIRA 6:16

Hakkunni gedensaanni, Israeelete manni, qeesootu, Leewaawootunna gattino qafadamaano Maganu Miniha maassote ayyaana hagiirrunni ayirrissu.

NEHIMIYA 11:20

Wolootu Israeelete manni, gattino qeesootinna Leewaawootu jajjansa amaxxite noo noowa wole Yihudu katammara heedhu.

NEHIMIYA 12:43

Maganu lowo geeshsha tashshi assinonsahura, mannu hagiidhanni lowo kakkalo shiqishi. Meentunna oosono lowo geeshsha hagiidhitu. Ililleetteno Yerusaalametenni faffe macciishshantu.

NEHIMIYA 8:17

Qafadotenni hige dayino manni baalu daase qasi're gali. Konne coye assate Newe beetti Iyyaasu yanna kawa tini umite. Wo'munku Daasu Ayyaana lowo hagiirrinni ayirrissu.

FAARSO 149:3

Su'masi hagiirrunni galatte; dibbenna bagana gantinanni galattesi.

FAARSO 30:1

Kaaliiqa, gatisoottoehuranna, baarigaarra'ya hagiidhitannoe gede, assoottoekki daafira galateemmohe.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 20:5

«Olantote hajajaano, ‹Haaro mine mi'ne imaansiisi'rinokkihu hee'riro, minisira galagale higo. Hatto ikka hoogiro, olu giddo reenna minesi wolu manchi imaansiisanno.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!

YOHAANNIS AJUUJA 5:8

Xaanxoonniha borrote goga haa'rita, shoolunku kalaqaminna lemiina shoolunku geerri Ge'rechu albaanni kumbuultu. Mittu mittunku anga bagana haadhe no. Qolteno qullaawu manni huuccatto ikkinohu hixaanu giddo wo'minoha culkunni seekkinoonni uduunnicho amadde no.