NEHIMIYA 12:24 - Qullaawa Maxaafa

²⁴ Hashaabiya, Sherebiya, Iyyaasu, Biinuyinna Qadimieeli Leewaawoota gaamo gaamo assite baddu. Lame lame gaamo, Maganu manchi Daawiti hajajino garinni mimmitoho haadhanni galatu faarsonni Magano galattannoreeti.

NEHIMIYA 12:24 ပူးပေါင်းရင်းမြစ်များ

UMI MOOTOOLLA 17:24

Iseno, «Ati Maganu mancho ikkoottotanna Kaaliiqino ate afiira coyi'rannota xa afoomma» yitu.

UMI DUDUWO 16:4

Daawiti Gondooru Taabootira albaanni uurrite Israeelete Magano Kaaliiqa galatunni, guwishshunninna ayirrinyunni magansi'nanni gede assitannore shiima Leewaawoota wori.

LAYINKI DUDUWO 8:14

Annisi Daawiti xintino seeri garinni qeesootanna insa faarsotenni kaa'litanno Leewaawoota wore wo'manka barra soqqantannota soqqanshonsa guuttanno gede assi. Qoleno Maganu manchi Daawiti hajajino garinni agaraasine addi addi waalchira beehe wori.

IZIRA 2:40

Qafadotewiinni higginoti Leewaawootu ilama kiiro kunninni aante noote: Hodawuyi sirchi Iyyaasunna Qadimieeli maate 74 Asaafi sirchi maate Qullaawu Mini faarsaano 128 Qullaawa Mine agartannori, Shaluumi, Axeeri, Xalimooni, Aquubi, Haxiixinna Shobayi sirchi 139.

NEHIMIYA 11:17

Asaafi sirchi Zabiidi beetti beetti Miika ilinohu Maataaniya Qullaawa Mine galatu huuccatto shiqishshannorira roorrichaho. Baqibuqiya Maataaniya kaa'laanchooti. Yidutuni sirchinni ilaminohu Galaali beetti beetti Shamua ilinohu Abidaati.

NEHIMIYA 12:23

Ikkollana Leewaawootu boosaalli roorrooti borrote tajera faajjetenni egennantinohu, Eeliyaashiibi beetti beetti Yoonaataani lubbotenni noo geeshshaatilla.

NEHIMIYA 12:36

Isi hoode boosaallosi ikkitinori Shemaiya, Azaarieeli, Milaalayi, Gilaalayi, Ma"aayi, Naatinaeeli, Yihudanna Hanaani Maganu manchi Daawiti hajajino garinni faarsote uduunne haadhe hadhu. Tenne gaamo sooreessi qeesichu Iziraati.

NEHIMIYA 8:7

Hakkunni gedensaanni, mannu kae noo darga uurri. Kunninni aanchine su'mansa borreessinoonni Leewaawootino Seeru Maxaafi tiro mannaho xawissu. Insano Iyyaasu, Baani, Sherebiya, Yamiini, Aquubi, Shabatayi, Hoodiya, Maiseya, Qeliixa, Azaariya, Yozaabaadi, Hanaaniitinna Pelayaati.

NEHIMIYA 9:4

Leewaawootaho fulte uurritanno tullichi noonsa. Kunni aana Iyyaasu, Baani, Qadimieeli, Shebaaniya, Buuni, Sherebiya, Baaninna Kenaani uurrite qoonqonsa naggi assite Maganonsa Kaaliiqa huuccidhu.

MARRO 33:1

Maganu manchi Muse reyara albaanni Israeelete mannira uyino maasso kunninni aante noote:

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

LAYINKI XIMOOTEWOOSI 3:17

Qolteno, Maganu manchi guuta ikkanno gedenna dancha coye assate qixxaawinoha ikkanno gede kaa'litanno.

IYYAASU 14:6

Mitto barra Yihudi ga're ikkinohu gamu manni, Galgalaho noohuwa Iyyaasuwa kae dayi. Insa giddonni mittu Qeneezichu Yoofooni beetti Kaaleebi, «Qaadesi Berne hee'noommo yannara, Kaaliiqi soqqamaanchisi Muse widoonni aterenna anere coyi'rinore afootto.