NEHIMIYA 10:29 - Qullaawa Maxaafa

²⁹ gashshaano roduuwinke ledo sumuu yine, Maganu borojjichisi Musera uyino hajajo garinni hee'rate, ‹Kaaliiqi seeranna woga wonsha hoongummoro, qorichunna rumo iillitonke› yine xaarro.

NEHIMIYA 10:29 ပူးပေါင်းရင်းမြစ်များ

LAYINKI MOOTOOLLA 10:31

Iyu kayinni Israeelete Magani Kaaliiqi Seera wo'mu wodaninni agadha agure, Israeele cubbu giddora eessinohu Iyorbiaami loosino gedee bunshe loosino.

LAYINKI MOOTOOLLA 23:3

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate, hajajosi, wogasinna wodhosi agadhatenni maxaafu giddo borreessinoonnire wonshate gondooro ei. Mannu baalunkuno gondooro agadhate sumuu yii.

UMI DUDUWO 9:2

Katama katamansa balaxxe higginori qeesootaho, Leewaawootaho, Qullaawu Mini soqqamaanootinna woloota Israeelootaati.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

LAYINKI DUDUWO 6:16

«Israeelete Magano Kaaliiqa! Xaano soqqamaanchikkira anni'ya Daawitira, ‹Oosokkino atente gede ane albaanni seeri'ya garinni qorophotenni heedhuro, wo'manka woyite sirchikki giddonni ane albaanni Israeelete moohannohu dihooganno› yootto coye wonshi!

NEHIMIYA 13:25

Konne mannano borooroommo; rumoommo. Gamisa gane dananchonsano ciroommo. Hakkunni gedensaanni, insanna oosonsa wole gobba manni ledo adhantannokki gede Maganu su'minni xaarsiisoommo.

NEHIMIYA 7:46

Qafadotenni higginori Qullaawu Mini loosaasine ilama ilamansanni: Tsiha, Hasufa, Xabaooti, Qeroosi, Siia, Fadooni, Lebana, Hagaba, Shalmayi, Hanaani, Gideeli, Gahaari, Reaya, Retsiini, Neqoda, Gazaami, Uuza, Faaseha, Besayi, Meuniimi, Nefisiimi, Baqibuqi, Haqufa, Harihuri, Batsiluuti, Mehiida, Harsha, Barqoosi, Siisira, Temaahi, Netsihaatinna Haxiifaati.

NEHIMIYA 8:2

Kunnira hakko barranni, Izira wodancha dandaanno manni meya labbaahu, aju akkali gatikkinni wo'munku gamba yee noowa Seeru Maxaafa haa're abbi.

NEHIMIYA 8:3

Hakko xawira Izira huxxu waalchi mule uurre soodinni barri geeshsha Seeru Maxaafa naggi yitino qoonqonni nabbawi. Mannu baalunku lowo geeshsha diinaggaawe macciishshi.

NEHIMIYA 9:2

Wole gobba manni ledono xaada agurtu. Hakkunni gedensaanni, baalunku ka'e uurrite uminsanna akaakkansa loossino cubbo baala aagintaabbu.

NEHIMIYA 9:38

Kunni garinni ninke Israeelete manni baalunku sheemaantummohu gedensaanni borreessineenna roorrootu, Leewaawootunna qeesootu farrantino.

FAARSO 105:45

Konne duucha assinohu, mannisi seerasi agadhanno gedenna, hajajosi wonshanno gedeeti. Kaaliiqira galatu iillosi!

FAARSO 119:106

Halaalaancho yookki agadhate, afii'yanni fullo qaale disoorreemmo.

FAARSO 8:1

Kaaliiqa Mootichanke, su'mikki baatto baalate aana hiittoo ayirradooti! Galatikkino baattotenni kae gordu geeshsha duduwamanno.

FAARSO 8:9

Kaaliiqa Mootichanke, su'mikki baatto baalate aana hiittoo ayirradooti!

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ERMIYAASI 26:4

Kaaliiqi mannaho, «Ani Kaaliiqi yoommota macciishsha gibbinironna oommo'ne seera wonsha hoogginiro,

ERMIYAASI 34:15

Kuneeti ki'neno shiima yannara albaanni, higgine ane tashshi assannoe coye assitinoonni. Baalunku ilamansa ikkitino borojje Israeeloota borojjimmatenni fushshate sumuu yitinoonni. Ane magansi'nanniwa Qullaawa Mine gamba yitine alba'yaanni gondooro e'inoonni.

HIZIQEELI 36:27

Ayyaana'ya giddo'ne gashsheemmo; seeri'yanna hajajo'ya garinni heedhinanni gede asseemmo'ne.

LEEWAAWOOTA 20:26

Ki'ne anera baxxitine qullaawoota ikkitinannie. Ani Kaaliiqi qullaawahona, anere ikkitinanni gede dagate mereerinni badoommo'ne.

MILKIYAASI 4:4

«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.

KIIRO 5:21

Kaaliiqi giwoodakki laansheesse godowakki fuugise gosakki mereero rumonnitanna mukkure yinannita assohe.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 15:14

Ani hajajoommo'nere wonshitiniro, ki'ne jaalla'yaati.

YOHAANNISI 7:19

Muse Seera diuyino'ne? Giddo'ne kayinni hakkonne seera wonshannohu mittuno dino. Ki'ne ane shitinara mayira hasidhinanni?» yee qolinsa.

SOQQAMAASINETE LOOSO 11:23

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa.

SOQQAMAASINETE LOOSO 17:34

Gamu manni isi ledo sumuu yee ammani. Ammani manni giddo, Ariyofagoosi songora miilla ikkitinori Diyonasiyusi yinanni manchi, Damariisi yinanni manchonna wolu mannino no.

SOQQAMAASINETE LOOSO 23:21

Ati kayinni, ‹Maahoyye› yitooti. Insa, ‹Iso shinummokkinni sagale di"inteemmo; waano diangeemmo› yite shoyilluu ale ikkanno manni doogote iso shaate gaa'lite agarte no. Kune xa ati yaattore calla agarte no» yii.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

MARRO 33:4

Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.

MARRO 5:1

Muse Israeelete manna baalanka woshshe, «Israeele, techo barra macca'nera kuleemmo'neta woganna seera macciishshe; buuxxe; seekkitine agadhe.

MARRO 5:32

«Israeelete manna, Magani'ne Kaaliiqi hajajino'nere wonshate qixxaabbe. Ka'anna kawa yitinoonte.