NEHIMIYA 1:5 - Qullaawa Maxaafa

⁵ «Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 1:5 ပူးပေါင်းရင်းမြစ်များ

UMI MOOTOOLLA 8:23

«Israeelete Magano Kaaliiqa! Ati callu Maganoho. Iima gordohonna uulla baattote ate gedeehu wolu dino. Co'o yiino wodaninni doogokki hadhannorira baxillunniha gondoorokki wonshattohu ate callaati.

UMI DUDUWO 17:21

Mannakki assidhe Gibitsete borojjimmanni gatisse fushshoottoti Israeelete gedee gosa mama no? Insara assootto dhaggenna maalale gobba baalate su'makki egensiissino. Mannakki Gibitsetenni fushshite dargansa amadanno gede wole gosa shorrite hunootto.

IZIRA 1:2

Faarisi moote Qiroosi, «Gordu Magani Kaaliiqi gobba gosate gashshaancho assinoe. Qoleno Qullaawa Mine Yihudaho noo katamira Yerusaalamete mineemmosi gede hajajinoe.

NEHIMIYA 2:4

Mooteno, «Xa ma"assinahera hasi'rattoyya?» yee xa'mie. Anino Gordu Magano huucci'rummohu gedensaanni,

NEHIMIYA 4:14

Mannu yaadinota afoommohura, insanna albisootansa, woloota roorroota baala, «Diinanke waajjitinoonte; lowo geeshsha jawunna waajjishanno Magani noonketa qaagginanni, fiixi'ne, ooso'ne, meenti'ne, mini'nenna jajji'ne daafira olamme» yuummonsa.

NEHIMIYA 4:8

Kunnira, mitteenni kaa'lante Yerusaalame qasatenna gawajjate gano gantu.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

FAARSO 47:2

Wo'munkura Aliidihu Kaaliiqi waajjinanniho; baatto baalate aanano isi jawa mooteeti.

FAARSO 76:8

Ati gordoho heedhe yookki macciishshiishsheenna, baatto waajjite sammi yitu.

FAARSO 89:2

Bagamannokkihu baxillikki hegerera hee'rannotanna, halaalaanchimmakkino gordoho soorrantukkinni heedhannota afoommo.

FAARSO 89:3

Atino, «Doodhoommohu ledo gondooro eoommo; borojjichi'ya Daawitira xaaroommo.

FAARSO 89:8

Olantote Magano Kaaliiqa! Ate gedee wolqaataami mama no? Wo'munku coyira ati ammanamoottoho.

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

MARRO 7:12

«Konne seera macciishshitinironna seekkitine agadhitiniro, Magani'ne Kaaliiqi annuwa'nera xaari xaaro garinni xaano gondoorosinna bagamannokki baxillesi disoorranno.

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.