NEHIMIYA 1:11 - Qullaawa Maxaafa

¹¹ Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.

NEHIMIYA 1:11 ပူးပေါင်းရင်းမြစ်များ

KALAQAMA 24:42

«Anino techo wayi balewa daye, ‹Mootichi'ya Abirihaami Magano Kaaliiqa! Haja'ya qineessie;

KALAQAMA 32:11

Daye anenna meento'ya oosonke ledo gudannonke yee waajjoommona, rodii'ya Eesawu anganni gatisie.

KALAQAMA 32:28

Manchu qole, «Kunni ka'a su'makki Yaiqoobi diyinanni; Maganunna manchu ledo sharrante qeelootto daafira, su'makki ‹Israeeli› yinanni» yiisi.

KALAQAMA 40:1

Shiima yanna gedensaanni, Gibitsete mootera ago xorshannohunna sagalete mini murrichi mootichinsa mootete aana sao assitu.

KALAQAMA 40:2

Ferioonino lamunkura hanqe,

KALAQAMA 40:21

Woyinete xajje xorshannoha bashshosi dargira qolisi; isino Ferioonira agannore angasinni uyi.

KALAQAMA 40:23

Woyinete xajje xorshannohu kayinni, Yooseefi hawinosi ikkinnina horontanni diqaaginosi.

KALAQAMA 41:9

Hatte yannara woyinete xajje xorshannohu Ferioonira, «Ani hambe'ya techolla qaagummo.

KALAQAMA 43:14

Wo'manka Dandaanno Magani ko'onne rodoo'nenna Biiniyaami ledo'ne soyannoe gede hakko manchi wodana shaqqisho'ne; ilaweelo ikke gatummorono, hige ma"asseemmo abbinoere adheemmo» yiinsa.

LAYINKI DUDUWO 6:40

«Magano'ya ballo xaano, konne darga huucci'neemmo huuccatto illekki la'o; maccakkino macciishshito.

IZIRA 1:1

Himanaanchu Ermiyaasi widoonni qole coyi'rino himani wo'manno gede Kaaliiqi Faarisi moote Qiroosi kakkayisi. Kunni garinni gashshootisi giddo noo manni baalu, isi borreessinanni gede assino lallawa nabbawanno gede soyi.

IZIRA 7:6

Kuni Izira Baabilooninni kae Yerusaalame dayi. Isi Israeelete Magani Kaaliiqi Musera uyino seera seekke egennino rosiisaanchooti. Maganisi Kaaliiqi anga ledosi noo daafira, xa'mi'rinore baala moote fajjinosi.

NEHIMIYA 1:6

Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

NEHIMIYA 2:1

Arxekisiisi moohihunni lemiikki diro Nisaani yinanni aganira mitto barra, mootete woyinete xajje haa're shiqishoommo. Hakkunnira albaanni moote albi'ya aana dadillu malaate afe diegennino.

NEHIMIYA 2:8

Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

FAARSO 106:46

Gadadissannonsari baalu, marartannonsa gede assi.

FAARSO 130:2

Kaaliiqa'ya huuccatto'ya macciishshi! Kaa'lokki hasi're raareemmota raare'ya hidhie.

FAARSO 61:5

Magano! Ati xano'ya macciishshoottona, su'makki ayirrissannori iqqa anerano oottoe.

FAARSO 86:6

Kaaliiqa'ya ballo, huuccatto'ya widira maccakki qoli; woxarata'yano macciishshie.

LAWISHSHA 1:29

Egenno lexxate dihasidhinoonni. Kaaliiqano waajja gibbinoonni.

LAWISHSHA 21:1

Mootete wodani Kaaliiqi anga no; isino lolahanno wayi gede hasi'riwa haa're ha'rannosi.

ERMIYAASI 42:12

Ani mararaancho ikkoommo daafira, isono mararanno'ne gede asseenna, ki'ne gobba'nera heedhinanni gede aguranno'ne. Togo yoommohu ani Kaaliiqaati› yiino.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

IBIRAAWOOTA 13:18

Ninkera Magano huuccenke. Fayyaaleessu tii"i noonketa dihuluullammeemmo; wo'mante yannara dancha coye assate halchinoommo.