NEHIMIYA 1:10 - Qullaawa Maxaafa

¹⁰ «Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

NEHIMIYA 1:10 ပူးပေါင်းရင်းမြစ်များ

FAARSO 136:12

Jawaata angasinni wolqaataame cigilesinni konne assino; bagamannokkihu baxillisino hegerehona.

FAARSO 74:2

Balaxxe kalaqoottota songokki, woxxoottoha utuwakki, aanasi hee'roottoha Tsiyooni ilaala qaagi.

FAARSO 89:14

Gashshootikki keeraanchimmatenna taashshate aana uurrino; bagamannokkihu baxillikkinna halaalaanchimmakki loosikkinni leeltanno.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:16

Tini wogano angankera usudhinoommohunna albinkera wodhinoommo malaati gede qaagiissitannonke; Kaaliiqi jawaata angasinni Gibitsete gobbanni fushshinonketa qaagiissitannonke› yitine kullensa» yii.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 13:9

Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 15:13

Bagamannokki baxillikkinni gatisoottoha mannakki haadhe fushshootto; wolqakkinni, hee'rattowa qullaawu dargira haadhe ha'rootto.

FULO 32:11

Muse kayinni Kaaliiqi Maganisira eegamanni, «Kaaliiqa'ya, jawanna wolqaataame angakkinni Gibitsetenni fushshootto mannira togo mayira hanqitto?

FULO 6:1

Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ISAYAASI 64:9

Kaaliiqa! Lowo geeshsha hanqitootinke; cubbonke hegere geeshsha giddo amaddooti; ninke baalunku mannakkiitina mararinke.

MARRO 15:15

Ki'ne umi'ne Gibitsete gobbara borojje ikkitine heedhinoonnitanna Magani'ne Kaaliiqi wode haa'rino'neta qaagge. Techo tenne hajajo eemmo'nehu kunni daafiraati.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.