NAHOOMI 3:3 - Qullaawa Maxaafa

³ Farashshaanni gulufanno; bise wala wala yitanno; urdeno bilicci bilicci yitanno. Kiiro nookki manna shinoonni daafira, reeshshu reeshshu aana duunamanno. Reeshshu batinyinni kainohunni, sa'nanni faro nafa diheedhanno.

NAHOOMI 3:3 ပူးပေါင်းရင်းမြစ်များ

KALAQAMA 3:24

Manna shorrihu gedensaanni, Edeni Gennetete soojjaati ragaanni kirubeeli yinanni sokkaasinenna raga baala falaqqi yitanni giirate gede wala yitanno bise heeshshote haqqichowa massitanno doogo agartanno gede wori.

LAYINKI MOOTOOLLA 19:35

Hakko hashsha Kaaliiqi sokkaasinchi Asoorootu qacha mare 185,000 olanto shii. Soodo mannu goxinowiinni ka"anno woyite base baala reeshshaho.

ISAYAASI 34:3

Reeshshinsa base baalate uwe, bowannota ikkinnina dimadaaramanno; ilaallano mundee calla ikkitanno.

ISAYAASI 37:36

Hakko hashsha Kaaliiqi sokkaasinchi Asoorootu qacha e"e, 185,000 olanto shii. Israeelete manni soodo goxinowiinni ka"anno woyite base baala diinu reeshshaati.

ISAYAASI 66:16

Kaaliiqi, manna baala giiratenninna bagadunni qorichishanno; lowo manna shee gudanno.

HIZIQEELI 39:4

Googinna olantosi, hattono ledosi fultinori garosi baala reyite Israeelete ilaallara ubbanno. Reeshshansano allaattetenna dubbu moyichira sagale asseemmo.

LEEWAAWOOTA 26:37

Shorrannohu nookkiha bagado xooqqannori gede insa insanaawa sarraaqantanno; diinnansa albaannino uurrite diaffanno.

NAHOOMI 2:4

Faradi gaarensano doogga baalate lowo geeshsha rakke doddanno. Kawanna ka'a lowo geeshsha buubbanni katamu gudumaalla doyitanno. Wala wala yaanno caabbicho labbanno, banqote gede beleqqanno.

IMBAAQOOMI 3:11

Worbichu gede kaattannotenna urdete gede bilicci yitanno banqonni kainohunni, arrishshonna aganu darga dargansa uurritu.