NAHOOMI 3:17 - Qullaawa Maxaafa

¹⁷ Ejjeettokkinna olantote hajajaasinekki batinyunni kainohunni, qiidu yannara kinchu huxxi mule gamba yee shaa'malannoha bati'ra kanchafare labbanno. Kanchafaru arrishsho fultanno yannara, buuwe ba"anno. Hiikka marannorono afannohu dino.

NAHOOMI 3:17 ပူးပေါင်းရင်းမြစ်များ

ERMIYAASI 51:27

«Ki'ne gosa baala, bala tugate malaatisse; xurumba ufuuffe; Baabilooni qasanno manna qixxeesse. Araaraati, Mininna Ashikenaazi gashshaano, bala tugganno gede kullensa; gaadaannuwano doorre. Kanchafaru gede kiiro bati'rino farado haadhine abbe.

HIZIQEELI 31:12

Marartannokki allaggi haqqicho murte agurtanno; umisenna sinnase baala murmurante gobbate aana noo ilaallaranna laggara ubbe gattanno. Hundase caa'litanno daga baala hakkiinni agurte hadhanno.

NAHOOMI 2:9

Katamu jiro kiirre didandiinannite; kunnira, hadhine birranna culka saantine adhe.

YOHAANNIS AJUUJA 9:7

Kanchafaru olaho qixxeessinoonni farado lawanno; uminsa aana noori culkunni seekkinoonni worraaqqa lawanno. Albinsa mannunniha lawanno.