NAHOOMI 3:11 - Qullaawa Maxaafa

¹¹ Nennewe! Ati dimbe gaggawanno manchi gede ikkattohunna diinnakkiwiinni xooqqe umo worattowa hasi'ratto yanna dagganno.

NAHOOMI 3:11 ပူးပေါင်းရင်းမြစ်များ

FAARSO 75:8

Kaaliiqihu hanqisi finiinchi angasi no; finiinchoho dimbissannota woyinete xajje wonshanno; iseno duneenna cubbaataammu atalunkunni cingiishshidhanno.

ISAYAASI 2:10

Kaaliiqi hanqiwiinninna waajjishannohu xirchisiwiinni gatate kinchu qarrira, godahonna balete giddo maaxantanno.

ISAYAASI 2:19

Kaaliiqi baatto shafara daanno waro, hanqisinninna waajjishannohu xirchisiwiinni kinchu godiranna balete maaxantara wo'naaltanno.

ISAYAASI 29:9

Massine jalli yiiyye! Ballitinoonni gedeenni heedhe! Woyinete xajje agginikkinni dimbe! Dimbisannore kisidhinikkinni gaggabbe.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 63:6

Daga hanqi'yanni kade tugoommo; aari'ya dimbisannonsa gede assoommo; mundeensano baattote aana dunoommo» yii.

ERMIYAASI 4:5

Kaaliiqi, «Baatto baalate aana xurumba ufuuffe; qoonqo'ne naggi assitine raarre; Yihudunna Yerusaalamete manni, qiinshoonni katamma widira hige xooqanno gede kulle.

ERMIYAASI 51:57

Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.

ERMIYAASI 8:14

Mannuno insa insanaawa, «Sammi yine mayira ofollineemmo? Maganinke Kaaliiqi reyote yoo yiinonke. Cubbo loonse isi aana sao assinoommohura, hunankera shaanno waa hayikkisinonkena, amme qiinshoonni katamma widira hinge xoonqe, hakkiicho reyine ba'nona.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

AMOOTSI 9:3

Qermeloosi Ilaali birxera marte maaxanturono, faana gane hakkiinni dirriseemmonsa; baaru giddora e'e anewiinni maaxanturono, qasanno dhudhuufa hajajeemmo.

MIKIYAASI 7:17

Hamasunna wolootu uullate aani da'muulla gede goshooshantanni buko laaxxanno. Qiishonsa giddonni huxidhanni fultanno. Lowo waajjanni Kaaliiqi Maganinkewa higganno. Ate waajjitanni heedhanno.

NAHOOMI 1:10

Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.

NAHOOMI 2:1

Nennewe! Kade gashshanno diini dayinohe. Kunnira, qiishokki kaajjishi'ri, doogokki seekkite agadhi; hallokki qodhi. Wolqakki baala kaajjishidhe olaho qixxaawi.

LUQAASI 23:30

Hattenne yannara mannu ilaalla, ‹Aananke ubbe!› Gaarrano, ‹Maaxxenke!› yaanno.

UMI SAAMUEELI 13:6

Israeelootu noo gari lowo geeshsha yaachishannoha ikkinotanna olantonsa yaaddote giddo noota affe dubboho, goddatenna ballate, boonnatenna gaattaa'luwate maaxantu.

UMI SAAMUEELI 14:11

Lamunku xawo fultu yannara Filisxeemootu, «Kuneeti Ibiraawootu maaxantino bale giddonni fulte insanaa leellishshanni no» yitu.