NAHOOMI 2:11 - Qullaawa Maxaafa

¹¹ Doobbiyu hosannowa, doobbiyu ooso heedhannowa; labballunna meentu doobbiyi, qaaqquullinsa ledo yaaddo nookkiha galanno ga'rimmo lawannohu; hakku katami hanni xa hiikko nooyya?

NAHOOMI 2:11 ပူးပေါင်းရင်းမြစ်များ

KALAQAMA 49:9

Yihuda, ati aju doobbiichi gedeeho; ati beetti'ya, itattore ugaaxxe godakki higatto. Doobbiichu gede diriiffatte goxatto; seyate goxanotenni kayisannohehu dihee'ranno.

ISAYAASI 13:7

Kunninni kainohunni manna baalaho anga shaqqite waa ikkitanno; baalunku wodani daaqanno.

ISAYAASI 31:4

Kaaliiqi, «Saada amadino doobbiichi ittananna, allaalaasine mimmito woshshidhurono, insa canco bashshi assannokkinte gede, ani Olantote Mootichino, Tsiyooni Ilaalanna gaarra gatisanna, hoolannoehu dihee'ranno.

ISAYAASI 5:29

Olantonsa, shorre amadinoricho afiisinni karara dandaannohu nookki doobbiichi gede ittantanno.

ERMIYAASI 2:15

Diinna'ne doobbiyu gede ittantu; baatto'ne mullicho assitino; katamma'neno giirante mannu hee'rannokkita ona ikkitino.

ERMIYAASI 4:7

Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

ERMIYAASI 50:17

Kaaliiqi, «Israeelete manni doobbiyu shorre billaallisino ge'reewi gede ikkino; balaxe Asoori moote gawajjinonsa. Hakkunni gedensaanni, Baabilooni moote miqichonsa quruuxino.

ERMIYAASI 50:44

«Yordaanoosi mule noo dubbi giddonni fule, kalloonni hayisso giddora eanno doobbiichi gede ikke, hedeweelcho daye Baabiloonoota shorre, hasi'roommoha shoomeemmo. Hoolannoehu ayeti? Ane gedeehu nooni? Ittisannoe gashshaanchino hiikkonneeti?

HIZIQEELI 32:2

«Koo manchi beetto, Gibitsete mootera kiirte wi'li. Lowo geeshsha qorophisiisse ani eemmohe qaale, ‹Ati dagate mereero heedhe, atenee doobbiichimma kiirootto. Ikkollana, ati baaru giddo galchamanno naachi gedeeho; lekkakkinni borcitanni wayibba boo'reessatto.

IYUEELI 2:6

Albansaanni daga baala huxidhanno; mannu baalu albi shibbi yaanno.

MIKIYAASI 5:6

Olantonsa wolqanni Asoori manna qeelte amaddanno. Namiruudi gashshoote ikkitino gobba cufanna hiiqqaqqite e'anno. Asoori manni gobbanke horritannonna maassantinota gobbanke kaddanno woyite, isi angansanni gatisannonke.

NAHOOMI 2:12

Doobbiichu ugaaxe abbe, oososiranna ledosi heedhannotera meya doobbiichora ikkannonsa geeshshire shiqishannonsa. Godinsara ugaaxe abbino maala wonshanno.

NAHOOMI 3:1

Lowo manna shiinohura, giddosi kaphu wo'minohura, saamatenninna mulqi'ratenni duroo'minohura, Nennewe Katamira aanne'e!

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

KIIRO 23:24

Israeelete manni, wolqaataamu doobbiichi gedeeho. Togoo doobbiichi shee mundee agikkinninna, bibbide itikkinni dihiganno» yii.