NAHOOMI 2:10 - Qullaawa Maxaafa

¹⁰ Nennewe Katami co'o yee bai; diigame ona ikke gati. Mannu baalunku wodani waajjillunni kainohunni daaqi. Guluchu baalunku qece yii; mannu baalunku halli leqe yii; baalunku albi xawulushshi yii.

NAHOOMI 2:10 ပူးပေါင်းရင်းမြစ်များ

KALAQAMA 1:2

Hatte yannara, baatto suudu noosekkitenna mullichote; tunsichuno diimete aana no; Maganu Ayyaani wayi iimaanni millisanni no.

FAARSO 22:14

Wolqa'ya waa ikkitu; miqqa'ya baala addi addinni fultu; wodani'ya gagate gede daaqi.

ISAYAASI 14:23

Baabilooni baatto rirriwa asseemmo daafira, ulaaulle qalantannowa ikkitanno; baote feyanchinni co'o asse feemmonsa. Konne coye coyi'roommohu ani Olantote Mootichi Kaaliiqaati» yii.

ISAYAASI 21:3

Afoommonna macciishshoommo coyinni kainohunni dhiwamoommo; ilate game amaddino mancho gede ikkoommo.

ISAYAASI 24:1

Kune Kaaliiqi baatto diige mulla darga assanno; baattonniha dana soorre mannano billaallisanno.

ERMIYAASI 30:6

Heddine la'e! Labbaahu gamaa'me ooso ilannoni? Mayiraatiyya labbaahu baalu, gamaa'mitanno mancho gede hallo cu'mi'rinohu? Mannu baalu albi xawulushshi mayira yiinoyya?

ERMIYAASI 49:23

Kaaliiqi Demaasiqote Katami daafira: «Hamaatinna Arfaadi katamma manni, Demaasiqonniha busha duduwo macciishshanno woyite, wodaninsa dambalu shafino baari gede ikke hembeelamanno.

ERMIYAASI 51:62

Hakkunni gedensaanni, ‹Mooticha'ya! Ati tenne baatto hunatto gede coyi'rootto. Kunnira lubbo afi'rino kalaqami: mannunna saada gooffeenna baatto hegerera ona ikkite gatto› yite huucci.

ERMIYAASI 8:21

Manni'ya madi'rita ane wodanino madi'rino; hexxo ba'eennae wi'loommo.

HIZIQEELI 21:7

‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.

HIZIQEELI 31:15

Mootichu Kaaliiqi, «Hatti haqqicho murante jeennaate dirritanno yannara, baattote giddo hadhanno wayibba hindiiddote gede aanaseenni lolakkanno gede asseemmo. Wayibba lolakkannokki gede, bu'ano fultannokki gede asseemmo. Hatti haqqicho mooltanno daafira, Libaanoosi Ilaallara tunsicho uddisiiseemmo; dubbu haqqe baala mooltanno gede asseemmo.

DAANIEELI 5:6

Hakkawoyintenni mootete albi kolossi yii. Masillu batinyinni kainohunni lekka qece qece yitusi; wolqano waa ikkitusi.

IYUEELI 2:6

Albansaanni daga baala huxidhanno; mannu baalu albi shibbi yaanno.

NAHOOMI 2:2

Diinna mulqitunsarono, woyinete kaashshonsa baalanka hunturono; Kaaliiqi Israeelete ayirrinye bashshowa qolanno.

NAHOOMI 3:7

La"annohehu baalunku shagaggi're atewiinni shawwu yee, ‹Kuneeti Nennewe diigame mulla darga ikkino. Mayino mararannosi? Mayino sheshifachishannosi?› yaanno» yii.

SOFFOONIYAASI 3:6

Kaaliiqi, «Dagate gashshoote hunoommo; qiishonsano diigoommo; katammansano gudoommo. Katammansa mitturino hee'rannokkita ona ikkitinohura doogonsa ha'rannohu dihee'ranno.

IYYAASU 2:11

Konne coye macciishshinummo yannara, wodaninke daaqino. Ki'ne waajjinoommo daafira, goontenke baala ba'ino. Kaaliiqi Magani'ne gordunna baattote Maganooti.

IYYAASU 7:5

Gayi manni katamu huxxi waalchinni kayise, kincho darranni bayichi geeshsha shorranni, gaaru eelallittera 36 ikkanno manna shii. Kunninni kainohunni, Israeelootu masseenna, goonte ba'unsa.