NAHOOMI 1:8 - Qullaawa Maxaafa

⁸ Diinnasi lolahu egemmanno gede assanno. Gibbannosire dhi'mote tunsichiwa qole shorranno.

NAHOOMI 1:8 ပူးပေါင်းရင်းမြစ်များ

IYYOOBI 30:15

Lowo masilli amadinoe; ayirrinyi'ya diilallote gede ikke saino; qiniiti'ya guunjote gede ikke baino.

IYYOOBI 40:11

Boonaleeyye la'e shollishi; hanqokkino aanansa dirrisi.

LAWISHSHA 4:19

Bushu manni doogo kayinni beebbu tunsichi gedeete; sarraaqe tugannonsareno diaffanno.

ISAYAASI 13:10

Mitte mittentinna mittowa tuuddino beeddaheno dixabbanno; arrishshono fultanni heedhenni xo'anno; aganuno dixawanno.

ISAYAASI 13:9

Kuneeti, cubbaataamma baala gude baatto mullicho assannohu, mararannokkihu Kaaliiqi barri, hanqonna aara uddi're daanni no.

ISAYAASI 28:17

Taashsha, bikkinanni siiwo asseemmo; keeraanchimma qole, sumbete heelliicho asseemmo. Golo assidhinoonni kapho kaade gantanno; maaxantinanniwano lolahu adhe sa"anno.

ISAYAASI 28:18

Reyote ledo namooma'ne gattanno; jeennaatu ledo sumuu yaa'neno ba'anno. Egemmanno lolahi daanno woyite hakkiichi gawalo'ne ikkanno.

ISAYAASI 28:2

Kuneeti Mootichaho: Kaadete, hombobolattetenna wolqaataamu lolahi gede cancanannohu jawaatu manchi noosi. Kuni manchino roorresinni uulla qole kaachishe tugannonsa.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 51:64

‹Kaaliiqi aanasi abbanno baonni kainohunni Baabilooni togo ikke uwe gatanno; layinkimeeshsho hakkiinni dika"anno› yii» yoommosi. Ermiyaasi hasaawi konne goofino.

HIZIQEELI 13:13

Kuneeti xaano Mootichu Kaaliiqi, «Buwannohu hanqi'yanni jawaata bubbe soye, kaadete kinna dirrise, xeena barada gane huxxa diigeemmo.

DAANIEELI 11:10

«Sooriyu moote ooso olaho qixxaabbanno. Oososi giddonni mittu lolahu gede jige mare Wodiidi gashshooti qiisho gawajjanno.

DAANIEELI 11:22

Maganunnihu qeesootu albisi nafa gatikkinni iso gibbanno olanto baala albisinni co'o asse hunanno.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

DAANIEELI 9:26

Leyayina lame lamala wo'mituro Buuraminoha shinanni; katamanna Qullaawa Minesi mittu jawu albisi gaadisanno olanto co'o assite huntanno. Goofimarchu yanna lolahu gede hedeweelcho dagganno; Maganu qixxeessino olinna bao goofimarchu geeshsha diuurritanno.

AMOOTSI 8:8

Kunni coyira baatto shafantanno; hatte gobbara hee'rannohu baalu wi'lanno; Abbayi Wayi wo'me iima hige kae galagale dirrannonte gede, gobba gudisante tenqe yitanno.

NAHOOMI 1:1

Nennewe diigama daafira Elqoshichu Nahoomi coyi'rino qaalinna laino ajuuja aante noote:

NAHOOMI 2:8

Kofame dhoonseenna co'o yee fule goofanno wayi gede, Nennewe mannino katamu giddonni mucuqqi yee fulanno. «Xooqqinoonte!» yine woshshininsaro nafa, ayino badhera dihiganno.

SOFFOONIYAASI 2:13

Kaaliiqi aliyye mannira wolqasi leellishanno. Asoorino hunanno; Nennewe katamano wayi nookkiha moolanna diigamino katami gede mullicho darga assanno.

MAATEWOOSI 7:27

Xeena gani; lolahuno dayi; bubbeno bubbisse hakkonne mine xiibbu. Minuno hakkawoyintenni uwi; uwasino lowo geeshsha jaddonnite» yii.

MAATEWOOSI 8:12

Konne Gashshoote ragidhanno yine hendoonnire kayinni gobba tunsichoho tunganni. Hakkiicho wi'litanni suumensa ittanno» yii.

UMI SAAMUEELI 2:9

«Isi ammanantinosiri qaafo agaranno; bushuullu kayinni tunsote ba'anno; mannu umisi wolqanni qeelle diafi'ranno.