NAHOOMI 1:6 - Qullaawa Maxaafa

⁶ Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

NAHOOMI 1:6 ပူးပေါင်းရင်းမြစ်များ

UMI MOOTOOLLA 19:11

Kaaliiqino Eeliyaasi, «Noottowiinni fulte ilaalu birxera ane albaanni uurri» yiisi. Hakkunni gedensaanni Kaaliiqi mulesiinni hige sai. Lowo bubbe soye ilaalla daddari. Kinnano cancani. Kaaliiqi kayinni hattenne bubbe giddo dino. Bubbe uurrituhu gedensaanni, baatto huxidhu. Kaaliiqi baattote huxi'ra giddono dino.

IYYOOBI 26:11

Isi hanqanno woyite, gordo dukkino tuuqqa masse huxidhanno.

IYYOOBI 40:11

Boonaleeyye la'e shollishi; hanqokkino aanansa dirrisi.

IYYOOBI 9:5

Maganu hanqanno woyite, ilaalla shashshafanno; darginni kayise galchanno.

FAARSO 130:3

Cubbonke kiiroottoha ikkoommero, gatara dandaannohu ayeti?

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 76:7

Magano! Ati baalunku waajjannoheho. Hanqatto woyite albakkiinni uurrannohu dino.

FAARSO 76:8

Ati gordoho heedhe yookki macciishshiishsheenna, baatto waajjite sammi yitu.

FAARSO 90:11

Hanqikki jawaante afinohu ayeti? Aarikki, ninke ate waajjineemmohe geeshshiho.

ISAYAASI 10:16

Kunnira, Olantote Mootichi Kaaliiqi olantosira laansheessanno dhibba soyanno. Asoori mooterano bisoho giirate gedee fooggalo soyanno.

ISAYAASI 13:13

Ani Olantote Mootichi Kaaliiqi aara'ya leellisheemmo barra, gordo shafeemmo. Baattono dargisenni milli yitanno gede asseemmo.

ISAYAASI 27:4

Layinkimeeshsho woyine'ya kaashshi dargira dihanqeemmo; hakkiicho mu're kaashsho hunanno utanna kokko'le, buqqise co'o asse giire huneemmo.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI QURTO 2:3

Lowo geeshsha hanqe, Israeelete wolqa huni; diinu dayi yannarano, sammi yee giwinsa. Hanqisi aananke giirate gede buwe, baalanka coye giire gudino.

ERMIYAASI QURTO 2:4

Isi diinu gede maxxasi, ninkera alba qo'lino; hexxinoommore baala shee gudi; hanqisino Yerusaalamete aana giirate gede buwi.

ERMIYAASI QURTO 4:11

Kaaliiqi wo'ma hanqosi wolqa facci asse agurino; Tsiyooni baatto ittanno giira qasino.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 30:16

Gibitsete giira qaseemmo; Pelusiyemino lowo geeshsha qarramanno. Tebisiti kinchu huxxuwa diigantanno; Memfiisi Katamano fullannikki shetto amaddannosi.

HIZIQEELI 39:6

Maagoogi baattoranna baaru qaccuwara, mannu yaadikkinni hee'rannowa baala giira qaseemmo. Hatte yannara, baalunku ani Kaaliiqa ikkoommota afanno.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

NAHOOMI 1:2

Kaaliiqi Maganu wole maganna magansidhannore wore dila"anno. Diinnasinna hettissannosire baala qorichishanno; hanqosi aanansa dirrisanno.

MILKIYAASI 3:2

Isi imaana seekke fushshanno saamuninna siwiila daashshinanni giira gedee wolqaataamooti. Isi leellanno yannara albasiinni jawaate uurra dandaannohu ayeti? Daanno barra ittisasira dandaannohu ayeti?

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

YOHAANNIS AJUUJA 16:1

Hakkunni gedensaanni lamalante sokkaasinera, «Hadhine gabattate giddo nooha Maganu hanqo baattote aana dunne!» yitannoti lowo huuro Qullaawu Mininni fultanna macciishshummo.

YOHAANNIS AJUUJA 16:8

Shoolki sokkaasinchino gabatete giddo nooha arrishshote aana duni; arrishshono iibbillisenni manna giirtanno gede wolqa uyinise.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.