NAHOOMI 1:5 - Qullaawa Maxaafa

⁵ Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

NAHOOMI 1:5 ပူးပေါင်းရင်းမြစ်များ

LAYINKI SAAMUEELI 22:8

Maganu hanqeenna baatto huxidhe shafantu; gordu safono milli yitu.

IYYOOBI 26:11

Isi hanqanno woyite, gordo dukkino tuuqqa masse huxidhanno.

IYYOOBI 9:5

Maganu hanqanno woyite, ilaalla shashshafanno; darginni kayise galchanno.

FAARSO 104:32

Isi baatto la"anno; iseno huxidhanno; ilaalla kisanno; insano wiliiltanno.

FAARSO 114:4

Ilaalla, waajjino goodanni gede dammaqqu; gaarrano ge'reewu wilii'li gede baraggu.

FAARSO 114:6

Ki'ne ilaalla waajjino goodanni gede mayira dammaqqini? Ki'ne gaarrano ge'reewu wilii'li gede mayira baraggini?

FAARSO 18:7

Maganu hanqino daafira, baatto huxidhu; shafantu; ilaallate hundino milli yii.

FAARSO 18:8

Sanosinni wiliile fultu; afiisinnino ittanno giiranna buwanno kashili fuli.

FAARSO 46:6

Daga waajjite raartu; gashshootuwano huxidhu; Maganu qoonqosi macciishshiishi woyite baattono daaqqu.

FAARSO 68:8

Siina Ilaali Magani albaanni, Israeelete Magani albaanni baatto huxidhu; gordu xeena lolaasi.

FAARSO 98:7

Baarunna giddosi heedhinoonni kalaqami baalu harqe; kalqenna aanase heedhinoonniri baalu faarse.

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

ISAYAASI 24:1

Kune Kaaliiqi baatto diige mulla darga assanno; baattonniha dana soorre mannano billaallisanno.

ISAYAASI 24:20

Baatto dimbino manchi gede gaggabbanno; hombobolatte shaffino mini gede ikkitanno; cubbise duhi ayirrannose daafira ubbanno; galagalteno dika'anno.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI 4:24

Ilaallate widira qole laeemmo woyite, huxidhanni no. Gaarrano laoommo; insano shafantanni no.

HIZIQEELI 38:20

Qulxu'menna cea baala, jajjabbanna shiimmaadda saada, baattote aana noo manni baalu ane waajje huxi'ranno. Ilaalla ubbanno; boonna hoshooshante to'anno; kinchu huxxi baalu diigamanno.

IYUEELI 2:10

Baatto albansaanni shafantanno; gorduno huxi'ranno; arrishshonna aganu tunsanno; beeddaheno xo'anno.

AMOOTSI 9:5

Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

MIKIYAASI 1:4

Hattenne yannara giira daaqissanno gaga gede, ilaalla lekkasira woroonni daaqqanno. Roggeno lagicha dirranno wayi gede ikkitanno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

ZAKKAARIYAASI 4:7

Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 27:51

Hatte yannara, Qullaawu Mini dukko alinni eeli geeshsha dadhante lamewa fultu. Uullano milli yitu; kinnano daddadhantu.

MAATEWOOSI 28:2

Hedeweelcho baatto lowo geeshsha shafantu; Maganu sokkaasinchi gordunni dirre waammate tu'noonni kincho gongo'mishe hoole aanaho ofolli.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 6:14

Gorduno xaanxoonni gogi gede ikke xaaxame bai. Ilaallanna giddichuwa noo darginni ka'e ba'u.

EJJEETTO 5:5

Siina, Kaaliiqi albaanni ilaalla huxidhu; Israeelete Magani Kaaliiqi albaanni shafantu.