NAHOOMI 1:3 - Qullaawa Maxaafa

³ Wolqasi jawa ikkituro nafa, Kaaliiqi hanqoho dimuddamanno. Ikkollana sao assinoha qorichishikkinni diaguranno. Kaaliiqira hombobolattete bubbenna, dambalu mereero nafa doogo noosi. Gomichuno Kaaliiqi qaafanno woyite ka'anno bukooti.

NAHOOMI 1:3 ပူးပေါင်းရင်းမြစ်များ

LAYINKI SAAMUEELI 22:10

Gordo dare baattote aanira dirri; kolishshu gomichi lekkasira woroonni no.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

IYYOOBI 10:14

Cubbo loosummorono ati la'anni nootto; kunnira, cubbo'ya dimaaratto.

IYYOOBI 38:1

Kaaliiqi hombobolattete giddo hee're Iyyoobira,

IYYOOBI 9:4

Isi egennaamohonna wolqaataamoho; iso yekkeere qeelara dandaannohu ayeti?

FAARSO 103:8

Kaaliiqi maarannohonna cubbo agurannoho. hanqoho dimuddamannoho; bagamannokkihu baxillisino bati'raho.

FAARSO 104:3

Minekki wayibbate aleenni mi'nootto; gomicho faradi gaarekki assi'rootto; bubbete qoolinni ha'ratto.

FAARSO 145:8

Kaaliiqi mararaanchohonna shaqqadoho; hanqoho dimuddamanno; bagamannokkihu baxillisino hegereho.

FAARSO 147:5

Maganinke jawahonna wolqaataamoho; ogimmasino bikkine didandiinannite.

FAARSO 50:3

Maganinke daanno; sammi diyaanno; ittanno giira albasiinni no; wolqaataame bubbe gaangaawisira no.

FAARSO 62:11

Maganu, «Wolqanna bagamannokki baxilli aneho» yee coyi'ranna lame hige macciishshoommo. Mootichu, mittu mittunkura loosisi garinni aanno.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ERMIYAASI 4:13

«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

DAANIEELI 7:13

Hashsha ajuujatenni mannu ila lawannohu gomichunni dukkisame daanna afoommo. Isono hegerera hee'rannohuwa haa'ne abbini.

HOOSEI 8:7

Insa bubbe wixidhe hombobolatte mixxitanno; gideho gumu dihee'rannosi. Gumu hee'riro nafa allaggichu itanno.

IYUEELI 2:13

Wodana'ne ikkinnina uddano'ne dartinoonte» yaanno. Kaaliiqi Magani'ne shaqqadohonna maarannoho; rahe dihanqannoho. Bagamannokkihu baxillisino bati'raho; hunateno dimuddamannohona, isiwa higge.

YOONAASI 4:2

Kunnira, «Kaaliiqa, togo assattota ani balaxe gobba'yara hee're dicoyi'roommo? Atewiinni miliqe Terseesi ha'rate hedoommohuno kunniraati. Ati shaqqadonna maarattoha, hanqoho muddamattokkiha, bagamannokki baxilli wo'minohehanna hanqokkino agurte maaratto Magano ikkoottota afoommo.

ZAKKAARIYAASI 9:14

Kaaliiqi mannaho aleenni hige leellanno; digaanu worbichono banqote gede asse olanno. Mootichu Kaaliiqi buudu xurumba ufuufanno; Wodiidi hombobolatte gede asse diina gawajjanno.

KIIRO 14:18

Qolteno, ‹Ani cincaaleessaho, baxilli'yanna maaro'ya bati'rate; cubbonna sao agureemmo; sao assinoha kayinni qorichishummokkinni diagureemmo; annuwate cubbira sasenna shoole ilama geeshsha oosonsa qorichisheemmo› yootto gedenna,

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

YAIQOOBI 1:19

Baxantinoonni roduuwa'ya! Konne habbinoonte; mannu baalu macciishshate rahinoha, coyi'ratenna hanqoho muddamannokkiha ikko.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!