NAHOOMI 1:14 - Qullaawa Maxaafa

¹⁴ Kaaliiqi ki'ne Asoorootaho yiino yoo, «Kunni ka'a su'ma'ne woshshiishanno sirchi dihee'ranno. Maganna'ne mine noota bonce seekkinoonni misillanna daashshine seekkinoonnita kaphu maganna huneemmo. Ki'ne lowo geeshsha bushuulle ikkitinoonnihura, waammate bale umeemmo'ne» yitannote.

NAHOOMI 1:14 ပူးပေါင်းရင်းမြစ်များ

LAYINKI MOOTOOLLA 19:37

Mitto barra Niserooki yinanni magani kaphunnihu mine magansi'ranni hee'reenna, oososi giddonni 2 Adirameleekinna Sharetseri yinanniri bisetenni shitusi. Insano Araaraati Gobba xooqqe ba'u. Gatinohu beettisi Asiraadooni isi darga moohi.

LAYINKI DUDUWO 32:21

Kaaliiqino sokkaasincho soye Asoori olantonna olu hajajaano gudanno gede assi. Asoori mooteno sholle galagale gobbasi higi. Mitto barra maganosi magansi'ranno darga hee'reenna ilino ooso bisetenni shitusi.

IYYOOBI 18:17

Baattote aana horonta qaangannikkiha ikkanno; su'masi kayisannohuno dihee'ranno.

FAARSO 109:13

Ilasi ikkinohu mittu nafa hee'roonkesi; mitte ilama gedensaanni qaagannosihu hee'roonke;

FAARSO 71:3

Ati goda'yaatinna golo'yaatina, balba'leemmowanna jawaata qiisho ikkite gargarie.

FULO 12:12

«Hakko hashshanni ani Gibitsete baatto baalate ha'ramanni, mitto mittonka mannunnihanna saadanniha umiricho baala sheemmo; Gibitsete maganna baala qorichisheemmo. Ani Kaaliiqaati.

LAWISHSHA 10:7

Danchu manni qaanganna hee'ranno; bushuullu kayinni hakkawoyintenni hawantanno.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ISAYAASI 33:13

Ki'ne xeertote heedhinoonniri assoommore macciishshe! Mule heedhinoonniri wolqa'ya affe!» yii.

ERMIYAASI 50:2

«Daga baalate duduwo kulle; ge'recho qassine lallabbe. Mittoreno gatissinikkinni, ‹Kune Baabilooni amadamaraati; maganinsa Marduki hiiqqamaraati; tiyyi'nanniti misillansano cancanantaraati.

DAANIEELI 11:21

Sokkaasinchu lede, «Isi gedensaanni mittu kaajjadu manchi ka"anno; mootimmate ayirrinye kayinni diuyinannisi; isino hedeweelcho ka"anno; roorreno xagarrotenni adhanno.

DAANIEELI 5:27

«Teqeli yaa, keenaasinchunni keenante, shotte leellootto yaate.

LEEWAAWOOTA 26:30

Gaarunnita kumbuultinanni baseno diigeemmo; hixaana giidhitinanni uduunne huneemmo; reeshsha'neno hiiqqaqqantino maganna'ne aana tugeemmo; ki'neno tiyyi're giweemmo'ne.

MIKIYAASI 5:13

Kaphu maganna'nenna angatenni seesiinse loonsoonni misilla'nera dikumbuultinanni.

MIKIYAASI 5:14

Asheera mokkollono baatto'nenni huneemmo; katamma'neno diigeemmo.

IMBAAQOOMI 2:10

Xagarrotenni lowo manna shitine, mini'ne manna shollinyeho tugginoonni. Umi'nerano bao abbidhinoonni.

UMI SAAMUEELI 3:13

Oososi assitino bunshera hegere geeshsha minesi qorichisheemmota Eelira balaxe kuloommosi. Isi kayinni ane shollishshinota afanni hee'renninni assitino bunshera oososi diseejjino.