NAHOOMI 1:10 - Qullaawa Maxaafa

¹⁰ Isiniiwa xaaxamino utinna, moola hayisso giirante ba'annonte gede, ki'ne dimbaanono giirantinanni.

NAHOOMI 1:10 ပူးပေါင်းရင်းမြစ်များ

LAYINKI SAAMUEELI 13:28

Soqqamaanosirano, «Aminooni woyinete xajje age dimbanno yanna la'e. Ani shiiyye yeemmo'ne yannara waajjitinikkinni shiiyye. Kunni coyira xa'mameemmohu aneetina bashshi assitinoonte» yee hajajinsa.

FAARSO 118:12

Diishshote gede gaangeessitue; kayinnilla giira ittanno uti gede rahotenni giirantu; Kaaliiqi wolqanni gudoommonsa.

FAARSO 68:2

Wiliilete gede ikkite ba'o! Giira gaga daaqissannohu gede, cubbaataammu Maganu albinni hatto ikkite gooffo.

FULO 15:7

Aanakki ka'inore baala xirchikkinni hunitto; hanqikki dirre giira galawa ittannohu gede assinsa.

FULO 5:12

Mannuno cide hasi'ranni Gibitsete gobba baala tuqi.

ISAYAASI 27:4

Layinkimeeshsho woyine'ya kaashshi dargira dihanqeemmo; hakkiicho mu're kaashsho hunanno utanna kokko'le, buqqise co'o asse giire huneemmo.

ISAYAASI 47:14

«Hakkore mala xa'mi'rattare, giira galawu gede assite ittannonsa; insanaa buwanuwiinni gatisidhe diaffanno; galawahono giwaa'nanni kashili dihee'ranno.

ISAYAASI 5:24

Israeelete qullaawa ikkinohu Olantote Mootichi Kaaliiqi uyino seeranna rosiisino woga shotissinohura, giira ittanno galawinna moola hayisso gede insahuno hundinsanna rumushshinsa fugude ba"anno; daraaronsano bukote gede ikkite ba'anno.

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

ISAYAASI 9:18

Bunshensa giirate gede ittanno; dubboho qansoonni giira wiliile gede iima higge tunnuuqqanno.

ERMIYAASI 51:39

Saankaabbe heedheenna, jilaho koyisoommonsa. Dimbita geeshsha hayikkisoommonsa; hakkunni gedensaanni goxxanno; galagalteno dika'anno.

ERMIYAASI 51:57

Ejjeettosi, masaalaanosi, gashshaanosi, olu hajajaanosinna gaaddosi, agge dimbitanno gede asseemmo. Dimbituhu gedensaanni goxxanno; hakkiinnino layinkimeeshsho dika'anno. Ani Moote Olantote Mootichi Kaaliiqi konne coye coyi'roommo.

MIKIYAASI 7:4

Insa giddonni, «Addinta dancha ammanaminoho» yinoonni manchi utunninna qu'muudotenni bande dila'nanniho. Himanaanote widoonni qorophisiisinonsa garinni Maganu mannasi qorichishanno yanna dagganno. Kuneeti xaano ikkiro dartu aana no.

NAHOOMI 3:11

Nennewe! Ati dimbe gaggawanno manchi gede ikkattohunna diinnakkiwiinni xooqqe umo worattowa hasi'ratto yanna dagganno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

UMI SAAMUEELI 25:36

Abigiya minira iillitu yannara, Naabaali moote jiltanno gedee jili aana no; lowo geeshsha dimbe noo daafira isonoo diafino. Kunnira sooda geeshsha mittoreno dicoyidhinosi.