MILKIYAASI 4:2 - Qullaawa Maxaafa

² Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

MILKIYAASI 4:2 ပူးပေါင်းရင်းမြစ်များ

LAYINKI SAAMUEELI 23:4

gomichu nookki arrishsho soodote gedeeho; baatto hayisso fushshitanno gede assitara, xeenu gedensaanni fultanno arrishsho gedeeho» yiie.

FAARSO 103:3

Cubbo'ya baala agurannoe; dhibba'ya baala hursannoe.

FAARSO 147:3

Wodana hiiqqantinore dhaawannonsa; madansarano gaga gananno.

FAARSO 61:5

Magano! Ati xano'ya macciishshoottona, su'makki ayirrissannori iqqa anerano oottoe.

FAARSO 67:1

Magano mararinke; maassi'rinke; shaqqillunni lainke.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

FAARSO 85:9

Ayirrinyisi baattonkera hee'ranno gede, isino ayirrissannosire gatisate qixxaawaho.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 53:5

Isi qasaminohu kayinni saonke daafiraati; ganaminohu ninke assinoommo sarxiraati. Ninke gantoommohu isi qorichishameennaati; hurroommohuno isi madi'reennaati.

ISAYAASI 9:2

Tunsote hee'ranno manni lowo xawaabba lai; reyote caali gobbara heedhannorira, caabbichu fuli.

ERMIYAASI 17:14

Kaaliiqa! Hureemmona, hursie; galaxxeemmohu ate ikkootto daafira, keere hee'reemmo gede, gatisie.

ERMIYAASI 30:17

Diini'ne, ‹Tsiyooni tugame gatino; caaqqi yee la"annosihu dino› yiino daafira, ani keere eemmo'ne; mada'neno hurseemmo. Konne coye coyi'roommohu ani Kaaliiqaati» yii.

ERMIYAASI 33:6

Ikkollana konne katamanna giddo noo manna hurseemmo; ani manni'yara fayyimma qoleemmo; lowo keerenna harshammo eemmonsa.

HIZIQEELI 47:12

Lolahanno wayi qaccuwara guma intanni haqqe danu danunkunni no. Darono dimooltanno; laaltukkinni disa'anno. Qullaawu Mini hundinni lolahanno waa agganno daafira, aganu aganunkunni guma laaltanno. Tenne haqqe gumi sagale, daronsano mannaho xagicho ikkitanno» yiie.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

LUQAASI 1:50

Waajjannosi mannira, ilamatenni ilamate geeshsha maarosi halashshanno.

LUQAASI 1:78

Maganinke maarannohanna shaqqado ikkinohura, gatote caabbichi gordunni xawannonke gede assanno.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:4

Isi giddo heeshsho no; hatti heeshshono mannu xawaabbaati.

YOHAANNISI 1:8

Isi xawaabbu daafira farci'rannoho ikkinnina isi umisi xawaabba di"ikkino.

YOHAANNISI 12:40

«Illensanni la'e affannokki gedenna, wodaninsanni wodanchitannokki gede, higgannokki gedenna hursannonsakki gede, Maganu illensa ballisino; wodanansano dilleessino» yiino coyi wo'maraati.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

YOHAANNISI 9:4

Barru hee'reenna soyinoehu looso loosa hasiissannoe. Ayino loosa dandaannokkihu hashshu daanno.

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

SOQQAMAASINETE LOOSO 13:47

Hatto assineemmohu, Mootichu ‹Gato'ya gobbate qacce iillishatto gede, dagate caabbicho assoommohe› yee hajajinonke garinniiti» yite kultunsa.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

LAYINKI TESELONQE 1:3

Roduuwa'ya, ki'nenni kainohunni Magano wo'manka woyite galanteemmo. Galatano hasiissannonkete; galanteemmohuno, ammana'ne roore lophitanni noohuranna mimmiti'nera noo'ne baxillino lexxanni noo daafiraati.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.

UMI YOHAANNISI 2:8

Ikkollana haaro hajajo borreesse kuleemmo'ne; isino, isiwanna ki'newa egennamino halaaleeti. Tunsichu sae ha'reenna halaalaanchu xawaabbi xa xawanni no.

YOHAANNIS AJUUJA 11:18

Daga hanqitu; ate aarino dayi. Reyitinorira yoo yaatto yanna iillitu; soqqamaanokki himanaanote, qullaawootahonna su'makki ayirrissannorira, shiimmaaddahonna jajjabbaho, daafurinsa guma aatto yanna daggu. Baatto huntannore hunatto yanna iillitu» yitanni magansidhu.

YOHAANNIS AJUUJA 2:28

Soodimari bakkalchono eemmosi.

YOHAANNIS AJUUJA 22:16

Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.

YOHAANNIS AJUUJA 22:2

Kuni wayi katamunnita lowo doogo hige lolahanno. Waaho lamenka widoonni dirunni tonaa lame higge aganu aganunkunni laaltannoti heeshshote haqqicho no; haqqichote daro gosa hursitannote.

RUUTI 2:12

Assootta coyi baalunkura Kaaliiqi maassi'rohe; qoolisi giddo amadahera dayottahu Israeelete Magani Kaaliiqi ba'raa'ra oohe» yiise.