MILKIYAASI 3:3 - Qullaawa Maxaafa

³ Isi birra daashshe ximbiiwanno manchi gede ikke yoote ofollanno. Birranna culka daashshe ximbiiwannohu gede sokkaanchu Leewi sircho keereensanno. Hakkunni gedensaanni Kaaliiqi halaalaancho kakkalo shiqishanno manna afi'ranno.

MILKIYAASI 3:3 ပူးပေါင်းရင်းမြစ်များ

FAARSO 116:17

Galatu kakkalo shiqisheemmohe; ateno magansi'reemmohe.

FAARSO 4:5

Halaalaancho kakkalo kakkalle; Kaaliiqano addaxxe.

FAARSO 4:6

Lowo manni, «Danchare ayi leellishannonke? Eeggotena Kaaliiqa shaqqillikkinni lainke» yaanno.

FAARSO 50:14

Maganoho galatu kakkalo kakkalle; Wo'munkura Aliidihura xano'ne uyidhe.

FAARSO 50:23

Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

FAARSO 51:19

Hatte yannara, halaalaancho kakkalonna shilqote kakkalo tashshi assitannohe daafira, ninkeno kakkalote darga woraamma kakkalleemmohe.

FAARSO 66:10

Magano! Giiratenni daashshinanni birri gede, ninkeno fonqolte laoottonke.

LAWISHSHA 17:3

Birranna culka giiratenni daashshinanni. Mannu wodana kayinni Kaaliiqi fonqole la"anno.

LAWISHSHA 25:4

Birra ko'rishshe ximbiiwittoro, daashshannohuno isinni danchare seekkanno.

ISAYAASI 1:25

Hanqunnita anga'ya ki'ne aana kayiseemmo; buwannohu hanqi'yanni batte'ne baala aani'nenni hooleemmo.

ISAYAASI 48:10

Birra giiratenni daashshinannihu gede, ki'neno qarru giiranni daashshoommo'ne; ikkollana mittoreno tidhitinoonnikkire ikkitinoonnita buuxoommo.

ISAYAASI 61:6

Ki'ne kayinni, Kaaliiqi Qeeseetinna, Maganinke Soqqamaanooti yinanni'ne. Dagate jiro ittinanni; insa qiniitinni fenjeejjitinanni.

ERMIYAASI 9:7

Kunni daafira, Olantote Mootichi Kaaliiqi, «Siwiila tume daashshannohu gede, ani manna'ya hatto asse fonqoleemmo; manni'ya busha coye assino daafira, hakkiinni sae wolere asseemmori dino.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

KIIRO 8:6

«Israeelete manni giddonni Leewaawoota badde keeraa'mitanno gede assi.

LUQAASI 3:16

Yohaannisi baalunkura, «Ani wayinni cuueemmo'ne; ikkollana wolu ane rooru daanno; ani koattesi suncho nafa tira didandeemmo. Isi Qullaawu Ayyaaninninna giiratenni cuuanno'ne.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

ROOMU SOKKA 15:16

Maganu tenne elto uyinoehu Dancha Duduwo Dagate kulanni, qeesichu gede ikke Yesuusi Kiristoosira soqqamammoraati. Kunnira, Daga Qullaawu Ayyaaninni qullaawoota ikkite Magano hagiirsiissanno kakkalo ikkitanno gede assateeti.

FILIPHISIYUSI SOKKA 2:17

Maganoho ammanatenni shiqishshinanni kakkalonna soqqansho gede, ane mundee lexxite du'nantoommero nafa, ki'ne baalunku ledo hagiidheemmo.

FILIPHISIYUSI SOKKA 4:18

Hasiisannoehanna hakkiinnino saino afansha Ephafiroditusi widoonni qoltine sokkineennae adhoommo. Kuni afanshi'ne su'niitanno kakkalo gede Maganu hagiidhannohonna adhannoho.

LAYINKI XIMOOTEWOOSI 4:6

Ani kayinni kakkalamammora mule noommo; tenne gobba agure ha'reemmo yannano iillitino.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 12:10

Iltinonke annuwa shiimalla qorichishinonke. Maganu kayinni qullaambesi gutammeemmo gedenna ninkera seyara yee qorichishannonke.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 1:6

Maganu Annisira soqqammeemmo gede qeesootu gashshoote assinonkehura, Yesuusi Kiristoosira hegere hegerera ayirrinyunna wolqa ikkitosi! Hamii'ni!

YOHAANNIS AJUUJA 3:18

Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.

YOHAANNIS AJUUJA 5:10

Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.