MILKIYAASI 3:2 - Qullaawa Maxaafa

² Isi imaana seekke fushshanno saamuninna siwiila daashshinanni giira gedee wolqaataamooti. Isi leellanno yannara albasiinni jawaate uurra dandaannohu ayeti? Daanno barra ittisasira dandaannohu ayeti?

MILKIYAASI 3:2 ပူးပေါင်းရင်းမြစ်များ

KALAQAMA 19:28

Soddoomunna Gomoora gobbara noo lagicha woro qole la"anno woyite, hattenne gobba baalantera wiliile dolunnite gede ikkite ka'anna lai.

IYYOOBI 28:1

Birra umme fushshinanniwinna, culka daashshine ximbiimbanniwi no.

FAARSO 130:3

Cubbonke kiiroottoha ikkoommero, gatara dandaannohu ayeti?

FAARSO 2:7

Kaaliiqi seera lallaweemmo; isino, «Ati beetto'yaati; ani techo iloommohe.

FAARSO 76:7

Magano! Ati baalunku waajjannoheho. Hanqatto woyite albakkiinni uurrannohu dino.

LAWISHSHA 25:4

Birra ko'rishshe ximbiiwittoro, daashshannohuno isinni danchare seekkanno.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ISAYAASI 4:4

Kaaliiqi wolqasinni Yerusaalamete xurenna mundee hayishshe hoole keereensanno.

ERMIYAASI 2:22

Haraanjunninna lowo saamuninni hayishshidhinirono, sao'ne xuri ane albaanni gudisame leellanno.

HIZIQEELI 22:14

Ani qorichishummo'nehu gedensaanni wolqa heedhanno'neha lawanno'neni? Anga gotti assidhine affinanniha lawanno'neni? Konne coye coyi'roommohu ani Mootichu Kaaliiqaati; coyi'roommoreno wonsheemmo.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 25:10

«Balalootu seenni laamba hidhara ha're hee'reenna seenne adhannohu dayi. Qixxaawe agadhe noo seenni dayinoha haa're ledosi jilu hari giddora ei; cufanano cunfi.

MAARQOOSI 9:3

uddanosino waajjo qoffe ikkitu; uullate aana ayino hayishshe fushshe afannokki garinni waajjidhu.

LUQAASI 2:34

Simiooni maassi'rinsahu gedensaanni amasi Maariyaami, «Kuneeti, kuni qaaqqi Israeelete giddo lowo mannira baote, lowo mannira gatote malaate ikkanno. Lowo manni giwannosi.

LUQAASI 21:36

Kunnira, daannohu bushu coyi baaluwiinni gatate wolqa afidhinanni gedenna Manchi Beetti albaanni uurra dandiitinanni gede wo'manka woyite jaattine huuccidhe» yii.

LUQAASI 3:17

Isi ayiddummete aana noo gide woowansinanni woowancho anga adhe no. Kura badihu gedensaanni dancha gide qaldaho woranno; kura kayinni xo'annokki giira giddo tuganno» yiinsa.

LUQAASI 3:9

Xa meesane haqqete rumushshi hunda no. Kunnira, dancha guma laalannokki haqqa baala karre giirate tunganni» yiinsa.

LUQAASI 7:23

Anere huluullamannokkihu maassaminoho» yee qolinsa.

YOHAANNISI 8:55

Ikkollana ki'ne iso diaffinoonni; ani kayinni iso egennoommo. Ani iso diegennoommo yuummoro ki'nente gede kaphaancho ikka'yaati. Iso egennoommo; qaalesino agadheemmo.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

YOHAANNIS AJUUJA 19:8

Iserano bilicci yitannotanna xurtinokkita shaalado uddano, uddidhanno gede uyinise» yitanna macciishshummo. (Shaalado uddano, qullaawu manniha keeraanchimmate looso leellishshanno.)

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.

UMI SAAMUEELI 6:20

Beetesaamisa manni, «Kunni Qullaawu Magani Kaaliiqi albaanni uurre dandaannohu ayetiyya? Taabootano kawiinni fushshine hiikkiira massinanni?» yii.