MIKIYAASI 7:9 - Qullaawa Maxaafa

⁹ Maganu aana sao assoommo daafira, hanqosi cinca hasiissannoe. Goofimarchoho kayinni, Maganu anera coyi'rannoe. Ane aana iillitino gawajjora yoo yaannoe. Xawaabbu widirano fushshannoe. Gatisaanchimmasino laeemmo.

MIKIYAASI 7:9 ပူးပေါင်းရင်းမြစ်များ

LAYINKI SAAMUEELI 24:17

Daawitino manna qoomanni noo sokkaasincho afe Kaaliiqa, «Sao anete; so'roommohuno aneeti. Kuni manni beebbaataamoho. Hanqikki kunni manni aana dirrantenni anenna mini'ya manni aana dirrona» yii.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

IYYOOBI 35:14

«Iyyoobi, ati, ‹Ani Magano la"a didandeemmo; haja'ya isi anga noo daafira, ani iso agadheemmo› yaatto.

FAARSO 119:154

Ane daafira coyi'rante tirie; hexxote qaalikki garinni gatisie.

FAARSO 37:6

Keeraanchimmakki xawaabbu gede, halaalekkino barri arrishsho gede xawisanno.

FAARSO 43:1

Magano'ya ballo! Garoommota egensiisie; anera ha'lite halaaluwiinni xeerti'rino manni ledo ati coyi'ramie; dogaanchunna bushu manniwiinni gatisie.

FAARSO 7:6

Kaaliiqa ballo, aarikkinni kai. Baarigaarra'ya hanqi aana kai; halaalaancho yoo hajajoottote garinni, Magano'ya ballo, ka'e kaa'lie!

FAARSO 94:15

Halaalu dargasi dihawanno; wodana subbinori baalu sumuu yite adhitanno.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 51:22

Ha'lannohehu Magani'ne Mootichu Kaaliiqi, «Dimbino manchi gede gaggassannoha, qarru finiincho angakkinni haa're hooleemmo. Kunni ka'a, hanqi'ya finiincho cingiishshi'ratta gede diasseemmohe.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

ERMIYAASI 10:19

Mannuno qole, «Lowo geeshsha madi'noommona ninkera bayisibao! Madanke hurtannokkita ikkitinohura, reyate mule hee'noommo. Hurreemmo yineno dihexxineemmo.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

ERMIYAASI 51:10

Israeelete manni mimmitoho, «Kaaliiqi ninkera halaale fushshinonkena, amme Yerusaalame ha'ne, Maganinke Kaaliiqi assinore baala dudumbona» yii.

ERMIYAASI QURTO 1:18

«Kaaliiqi halaalaanchoho; ani isira dihajajamoomma. Wo'mankawa heedhinoonni manni baalu macciishshe; anera iillino qarrano la'e. Ooso'ya seennunna labballu qafadante hadhino.

LEEWAAWOOTA 26:41

ani diina ikkeemmonsa gedenna diinnansa gobba qole shorreemmonsa gede assino cubbo aagintaabburo, umonsa heeshshi assituronna cubbinsara malino qoricha adhituro,

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

YOHAANNIS AJUUJA 18:20

Gordo, Baabilooni uwara hagiidhi! Ki'ne Maganu manni, soqqamaasinenna himanaano, hagiidhe! Maganu ki'ne daafira rabbisino.

UMI SAAMUEELI 24:15

Xaano atenna ane coye Kaaliiqi yoo; ane halaale isi fushshe, ate anganni gatisoe» yii.

UMI SAAMUEELI 25:39

Daawitino Naabaali reyinota macciishshe, «Naabaali xoninoe daafira rabbisinoehu ane soqqamaanchosino busha assatenni agarinoehu Kaaliiqi galataminoha ikko. Naabaali loosinori amadannosi gede assino» yii. Daawitino Abigiya galte assi'rara hasi're sokka soyise.

UMI SAAMUEELI 26:10

Heeshshote Kaaliiqi halaaleeti! Saaooli, Kaaliiqi umisi barrisi dayenna woy bagadunni reyanno gede assanno.

UMI SAAMUEELI 3:18

Saamueeli mitto coyeno maaxikkinni gudise kulisi. Eelino, «Isi Kaaliiqaatina, baxinore asso» yii.