MIKIYAASI 7:7 - Qullaawa Maxaafa

⁷ Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

MIKIYAASI 7:7 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

FAARSO 109:4

Ani baxaa hee'reennansanni, insa daafira huuccanni hee'reennanni gibbue.

FAARSO 130:5

Kaaliiqi kaa'lo quqquxamatenni agadheemmo; qaalesino addaxxeemmo.

FAARSO 25:5

Ati gatisattoe Maganooti; halaalikkinni hee'reemmo gede massagie; rosiisie; anino barra wo'ma ate hexxeemmo.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 38:15

Kaaliiqa'ya ballo, ate hexxeemmona, Mooticha Magano'ya ati dawarattoe.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 65:2

Mannu baalu cubbinsa daafira yee, atewa daanno; atino huuccattonsa macciishshatto; cubbu lowo geeshsha ayirrannonke yannara, ati saonke agurattonke.

FAARSO 85:5

Halaalintanni hanqoottonke gedeenni hegerera keeshshatto? Hanqikkira gawalo dinoni?

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 17:7

Hakka waro mannu kaa'lo afi'rate Israeelete Qullaawa ikkinohuwa kalaqaanchinsawa higanno.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ERMIYAASI QURTO 3:24

Aera nooehu Kaaliiqa ikkinohura, iso calla hexxeemmo.

DAANIEELI 3:17

Ninke soqqammeemmosi Magani tenne bubbanno giiranninna ate anganni gatisankera dandaanno.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

IYUEELI 1:19

Kaaliiqa ballo, xawu hayissonna dubbu haqqe baala, giirroonnihu gede co'o yite mooltino daafira, ate widira hige raareemmo.

IMBAAQOOMI 2:1

«Shaete aana fule uurreemmo. Hakkiicho hee're Maganu yaannoerenna abbooshshi'yara qolannoe dawaro agadheemmo» yii.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

KIIRO 5:28

Battaabbinokkitanna keeraancho ikkituro kayinni fayyitanno; oosono iltanno.