MIKIYAASI 7:5 - Qullaawa Maxaafa

⁵ Olliichokki woy jaalakki ammantooti. Hanqafidhe galattotera minaamakkira nafa layidhanni coyi'ri.

MIKIYAASI 7:5 ပူးပေါင်းရင်းမြစ်များ

FAARSO 141:3

Kaaliiqa'ya ballo, afii'yara agaraancho wori; suume'yara allaalaanchono uurrisi.

FAARSO 38:14

Macciishsha hoogatenni kainohunni, tumo qolannokki manchi gede ikkoommo.

FAARSO 41:9

Lubbote jaali'ya hexxoommohu, ledo'ya hurbaate itinohu, anera badhe wodhinoe.

ERMIYAASI 9:3

Worbichu digaanu giddonni fulannonte gede, manni'ya afiinnino kaphu fulanno. Kunnira baattote aana, halaalu darga kaphu moohino. Kaaliiqi, «Manni'ya bunshete aana bunshe ledanni no; ani Maganonsa ikkammora dihasidhino.

ERMIYAASI 9:4

«Mittu mittunku rodii dogaancho, olliichu baalu hemaancho ikkinona, roduu rodoosi qoropho; jaalu jaalasi hexxoonke.

ERMIYAASI QURTO 1:2

Hashsha wo'ma lowo geeshsha wi'litanna, baqqaallisera hindiiddo daaddanno. Albi baxillaanose baalate giddonni, sheshifachishannosehu mittu nafa dino. Halese ikkitinori baalu badhe wodhitinose; diina ikkitinose.

MAATEWOOSI 10:16

Yesuusi, «Kuneeti ani ge'reewu gede hiyyeeyyete giddora soyemmo'ne. Kunni daafira hamashshu gede busuloota, lembooli gede joogaadda ikke.

EJJEETTO 14:17

Lamalanka jilu barra sammi yite wi'litu. Samisoni waaddeennasi hooge lamalki barra kulise. Iseno tiro massite gosase oosora kultunsa.