MIKIYAASI 7:3 - Qullaawa Maxaafa

³ Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

MIKIYAASI 7:3 ပူးပေါင်းရင်းမြစ်များ

LAWISHSHA 16:30

Alba bushinohunna suume ga'mi'rinohu, bunshe hedinoho.

LAWISHSHA 17:23

Bushu manchi halaale dawisara yee, maaxe gubbo itanno.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 26:21

Baattote aana noo gosa cubbinsa daafira qorichishate, Kaaliiqi gordoho noowiinni kae daanni no. Hatte yannara, manna shite baattote giddo maaxantinori reqecci yitanno. Baattono du'nantino mundee xawo fushshitanno; reyitinoreno dimaaxxanno.

ISAYAASI 3:5

Mannuno mimmito gadadisanno; jaalu jaalisi aana ka"anno; ooso jawa diayirrissanno; minsheenna hee'rannohu, ayirradu manchi aana naaxxanno.

ISAYAASI 32:7

Garimalu manni busha looso loosanno; buxanete ku'lo haa'nannita ikkituro nafa, insa gudate gano gananno.

ISAYAASI 5:23

Gubbo itte sao assinoha keereensite, gawajjamino manchi halaale dawissannorira aanne'e!

ERMIYAASI 3:5

hanqoottoe gedeennilla hee'ratto?› yite coyi'rootta. Ikkollana hasi'rootta bunshe baala assootta» yii.

ERMIYAASI 4:22

Kaaliiqi, «Manni'ya ane afannokki balalaati; wodancha afidhinokki oosooti; horontanni diqaaggannoreeti. Bunshe loosate lowo geeshsha busultinoreeti; dancha coye assinanni gara kayinni horonta diegentino» yaanna macciishshoommo.

ERMIYAASI 8:10

Galte'nenna gate'ne wole gobba mannira eemmo; buxichuno dureessuno, hanaaqunninna maqqaallotenni duroo'manno; himanaano'nenna qeesooti'ne nafa manna dogganno.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 22:6

«Giddokki noori Israeelete albisooti duuchunku, wolqansa addaxxite manna shitanno.

HIZIQEELI 34:21

Yaradda qoti'nenninna lekka'nenni xiibbine tugginanni; buudda'nenni qassinanni hoshshate giddonni fushshitinanni.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

HOOSEI 4:18

Lowota woyinete xajje agguhu gedensaanni foorrensa suffanno. Roorrootinsano saalsiisanno coye assa baxxanno.

HOOSEI 7:3

Kaaliiqi, «Mannu, mootoolla awaawuratenni, roorrootano dogatenni hagiirsiisanno.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.

MIKIYAASI 2:8

Kaaliiqi kayinni, «Manni'ya aana diina ikkitine ka'inoonni; horontanni olu dino yee giddo'neenni hige sa"anni nooha afibbeelo manna mulqidhinoonni.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

MAATEWOOSI 26:15

«Yesuusa sayise uummo'nero ma uyitinannie?» yii. Insano sajjoo kinchu birra uyitusi.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.