MIKIYAASI 7:2 - Qullaawa Maxaafa

² Magano baxannohu danchu manchi baattote aana horontanni dino. Mannu mereero taashshannohu dino. Wo'munku mannu mundee dunate duganno; mittu mittunku umisi fiixa woshshaadara faana gananno.

MIKIYAASI 7:2 ပူးပေါင်းရင်းမြစ်များ

FAARSO 10:9

Doobbiichu gede citu giddo maaxame agaranno. Buxicho amadara rie agaranno; woshshaadosinni amade goshooshe haa're ha'ranno.

FAARSO 12:1

Kaaliiqa ballo, wodana suwino manni goofinona, ammanamino mannino dinona, gatisie.

FAARSO 12:2

Baalunku mimmitonsa dogganno; lamu arrawinni coyidhanno.

FAARSO 57:6

Baarigaarra'ya lekka'yara woshshaado wortino; lubbo'yano gadadissino; doogo'yara bale untino; kayinnilla, untino balera insanni qolte ubbino.

LAWISHSHA 1:11

«Amo doogote gaa'line agarre keeraano shinona.

LAWISHSHA 12:6

Bushu manni arrawi manna shaate malanno; danchu manni hasaawi kayinni reyotenni gatisanno.

ISAYAASI 3:5

Mannuno mimmito gadadisanno; jaalu jaalisi aana ka"anno; ooso jawa diayirrissanno; minsheenna hee'rannohu, ayirradu manchi aana naaxxanno.

ISAYAASI 57:1

Keeraano reyitanno woyite mayira reyitinoro wodanchannohu dino; Kaaliiqi daggara noo bushanni gatisansara haa'rinonsata buuxannohu dino.

ISAYAASI 59:7

Lekka'ne cubbo loosate doddanno; keeraancho manna shaate rakkanno. Wodani'nenni bunshe heddinanni; martiniwa baala diigginanninna huntinanni hadhinanni.

ISAYAASI 9:19

Olantote Mootichi Kaaliiqi hanqino; hanqisino baatto baalate giirate gede buwanni no. Mannu giirranni haqqe gede ikkanno; rodoosi nafa gatisannohu dihee'ranno.

ERMIYAASI 16:16

«Xa kayinni qulxu'me woshshaandannihu gede woshshaaddannorennna moyicho ugaanxannihu gede assite ugaaxxannore soyemmo. Insano ilaallatenna gaarrate, hattono kinnate giddo noo goddara ugaaxxe amaddannonsa.

ERMIYAASI 5:16

Insa baalunku bagadaanote; bagadinsano diso'rannoho.

ERMIYAASI 5:26

«Manni'ya mereero bushu manni no; insano cea woshshaaddannori gedeereeti; mannano hatto assite amaddara gaa'lite agartanno.

ERMIYAASI 8:6

«Ki'ne coyidhinannire seekke macciishshoommo; coyidhinoonniri kayinni halaale di"ikkino; ki'ne giddonni bushu loosisi daafira, gaabbinohu mittunku dino. ‹Ma sao assummo ikka› yiinonku dino; Ki'ne mitti mitti'ne olaho harfiixanno farashshi gede, umi umi'ne doogo doddinanni.

ERMIYAASI QURTO 4:18

Doogo ha'ra dandiineemmokki gede, diininke illaallisanni millo ho'linonke. Dirinke goofino; goofimarchinkeno iillino.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 24:6

Mootichu Kaaliiqi, «Manna shitannori katamira aanne'e! Kuni katami, xillu aaninni ka"annokki dissite gedeeho; giddo noo maala shiimuno gatikkinni gudinse haa'nanni.

HOOSEI 5:1

«Ki'ne qeesootu konne macciishshe! Ki'ne Israeelete mannino wodanche! Ki'ne mootoollate minino konne coye macciishshe! Kuneeti yoo aana'ne daggino; kaimuno, Mitsipha woshshaadote gede, Taaboori Ilaalirano qoxu gede ikkitinoonni.

HOOSEI 6:9

Addi-fulootu manna shitara duggannohu gede, qeesootu gaamono hatto assitanno. Sekeemi massitanno doogora nafa manna shitanno; saalsiissanno bunshe assitanno.

MIKIYAASI 2:8

Kaaliiqi kayinni, «Manni'ya aana diina ikkitine ka'inoonni; horontanni olu dino yee giddo'neenni hige sa"anni nooha afibbeelo manna mulqidhinoonni.

MIKIYAASI 3:10

Ki'ne Maganu katama Yerusaalame mundeetenninna bunshetenni mintinanni.

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

ZAKKAARIYAASI 11:6

Kaaliiqi, «Anino kunni ka'a baattote aana hee'rannoha ayeno dimarereemmo; ani umi'ya mitto mittonka olliichisiranna gashshaanchisira sayise eemmo; insa gobba gadadissanno; anino angansanni digatiseemmonsa» yaanno.

SOQQAMAASINETE LOOSO 24:9

Ayihudootuno, «Kuni halaaleho» yite afo xaaddu.

UMI SAAMUEELI 24:11

Anna'ya ballo, kune uddanokki aaninni muroommo hoccichi anga'ya noona lai! Uddanokki handaara muroommota ikkinnina ate dishoommohe. Xaano ikkiro ate aana assoommo sao nookkita seekkite afi. Mitte bunsheno assummohekkinni shaattoera hassanni noottoe.

UMI SAAMUEELI 26:20

Kaaliiqiwiinni fafe manni gobbara reemmo gede assitootie. Kageeshshihu Israeelete moote ane korchote geeshshiha mayira shorrattoe? Gaaru aana heeyyahe ugaanxannihu gede mayira ugaaxattoe?» yiisi.