MIKIYAASI 7:18 - Qullaawa Maxaafa

¹⁸ Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MIKIYAASI 7:18 ပူးပေါင်းရင်းမြစ်များ

KALAQAMA 4:7

Dancha assoottoha ikkoommero albikki xawanno; dancha assa hoogittoro kayinni cubbu waalchikkira rie agarannohe; hasattosino ate amadateeti; ati kayinni qeelattora hasiisannohe» yiisi.

UMI MOOTOOLLA 8:23

«Israeelete Magano Kaaliiqa! Ati callu Maganoho. Iima gordohonna uulla baattote ate gedeehu wolu dino. Co'o yiino wodaninni doogokki hadhannorira baxillunniha gondoorokki wonshattohu ate callaati.

LAYINKI DUDUWO 30:9

Kaaliiqiwa higginiro, ooso'nenna roduuwa'ne qafaddinori mararte qae higganno gede assitannonsa. Magani'ne Kaaliiqi shaqqadonna mararannoha ikkino daafira, ki'ne isiwa higginiro, isino alba higanno'ne» yitannote.

LAYINKI DUDUWO 6:21

Ani soqqamaanchikkinna mannikki Israeeleno alba kunni mini widira hinge huucci'neemmo huuccatto macciishshinke. Gordoho noottowa heedhe macciishshite, saonkeno agurinke.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

FAARSO 103:13

Annu oososi mararannonte gede, Kaaliiqino waajjitannosire mararannonsa.

FAARSO 130:4

Kayinnilla ate waajjine hajajammeemmohe gede, maarattonkehu ateeti.

FAARSO 35:10

Wo'mu wodani'yanni, Kaaliiqa, «Ate gedeehu ayi no? Ati, gadadaamo wolqaataamu anganni, buxicho gawajjannohu anganni gatisatto» yeemmo.

FAARSO 65:4

Ati dooroottohura, Qullaawa Darga hee'rara woshshoottosihura tashshi yoosi; duushshannonke atooti Qullaawu Minikki giddonni fulannoho.

FAARSO 71:19

Magano! Keeraanchimmakki gordo iillitanno; ati jawa looso loosootto; Magano! Ate gedeehu dino.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

FAARSO 89:6

Kaaliiqi ledo taalamannohu gordoho nooni? Gordoho noo kalaqami giddo Kaaliiqa lawannohu ayeti?

FAARSO 89:8

Olantote Magano Kaaliiqa! Ate gedee wolqaataami mama no? Wo'munku coyira ati ammanamoottoho.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 33:24

Tsiyooni hee'ranno manni giddo, «Dhiwamoommo» yaannoha dianfanni. Hakkiicho hee'ranno mannira baalaho, cubbonsa agurranninsa.

ISAYAASI 38:17

Iillinoe qarri anera danchummateeti; baxillikkinni lubbo'ya baote balenni agarattoe; cubbo'ya baalankano agurattoe.

ISAYAASI 40:18

Magano aye ledo taashshitinanni? Isi ma lawanno yitine heddinanni?

ISAYAASI 40:25

Qullaawu, «Xa ane aye ledo taashshitinannie? Ane lawannohuno ayeti?» yaanno.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 57:10

Wole maganna hoode doddinanni daafurtinoonni; ikkollana, ‹Dikaa'litinonke› yitine diagurtinoonni. Wolqa leddanno'neha laweenna'ne, cee'mitinikkinni hoodensa doddinanni.

ISAYAASI 57:16

Ani manna'ya wo'manka woyite dibushiisheemmo; wo'manka woyiteno dihanqeemmonsa. Hatto assoommoha ikkoommero, kalaqoommo manni goofe hoogino.

ISAYAASI 62:5

Seemo beetto adhanno qeedhichi gede, kalaqinohehu Kaaliiqi atera galtekki ikkanno. Adhinohu idayichosinni hagiidhannonte gede, Maganikkino atenni hagiidhanno.

ISAYAASI 64:9

Kaaliiqa! Lowo geeshsha hanqitootinke; cubbonke hegere geeshsha giddo amaddooti; ninke baalunku mannakkiitina mararinke.

ISAYAASI 65:19

Anino Yerusaalametenninna manni'yanni hagiidheemmo; hakkiicho wi'lanna raare diheedhanno.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 3:5

hanqoottoe gedeennilla hee'ratto?› yite coyi'rootta. Ikkollana hasi'rootta bunshe baala assootta» yii.

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

ERMIYAASI 33:8

Anera hajajama gibbe loossino cubbiwiinni keereenseemmonsa. Haxawarrimmansanni kainohunni assitino sao agureemmonsa.

ERMIYAASI 38:8

Ebedimelekino mootete mininni fule mare mootete,

ERMIYAASI 50:20

Hatte yannara, reyotenni gatisoommoha, Israeelennihanna Yihudu manna maareemmo daafira, giddonsa cubbonna sao hanse dianfanni. Konne coye coyi'roommohu ani Kaaliiqaati» yii.

ERMIYAASI 9:24

Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.

HIZIQEELI 18:23

Ani bushu manchi reyannota hagiidheemmoha lawanno'neni? Dee'ni; ani hagiidheemmohu, cubbosi aagintaawe hige lubbutenni hee'rirooti; togo yeemmohu ani Mootichu Kaaliiqaati.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 33:16

Loosino cubbo baala agureemmosi; danchanna taalo coye assasinni lubbotenni hee'ranno.

DAANIEELI 9:9

Mooticha Maganonke! Aye geeshshano gara gimbummohero, ati maarattohonna saonkeno agurattoho.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

HOOSEI 14:5

Israeelete mannira xeenu gede ikkeemmonsa. Insano daraarchu gede biiffanno; Libaanoosi daguwi gede rumuxxitanno.

IYUEELI 2:32

Kaaliiqi su'ma woshshannohu baalu gatanno. Kaaliiqi coyi'rinonte gede Tsiyooni Ilaalinninna, Yerusaalametenni xagichu fulanno. Kaaliiqi doorinonsarino gattanno.

AMOOTSI 1:11

Kaaliiqi, «Edoomi manna marro marro hige loosino cubbi daafira, mararro nookki kaajjillinni qorichishummokkinni diagureemmo. Insa roduuwansa Israeeloota moyichu gede ugaaxxe amaddino. Amadduhu gedensaannino dimarartinonsa. Insara gawalo nookki hanqo hanqitino; hanqinsano diqiidannoho.

AMOOTSI 7:8

Qoleno, «Amootsi! Maricho la'anni nootto?» yee xa'minoe. Anino, «Tumbe la"anni noommo» yoommo. Kaaliiqino, «Manni'ya Israeele taashshine huxxinoonnikki huxxi gede ikke shokkinota tenne tumbenni leellisheemmo. Kunni ka'a insa qorichisha diagureemmo.

AMOOTSI 8:2

Kaaliiqino, «Kuni la'anni noottohu maati?» yee xa'mie. Anino, «Le'ino laalo wo'mitino gimboola la"anni noommo» yoommo. Kaaliiqi qole, «Manni'ya Israeelete goofimarchu iillino. Kunni ka'a insa qorichishummokkinni diagureemmo.

YOONAASI 4:2

Kunnira, «Kaaliiqa, togo assattota ani balaxe gobba'yara hee're dicoyi'roommo? Atewiinni miliqe Terseesi ha'rate hedoommohuno kunniraati. Ati shaqqadonna maarattoha, hanqoho muddamattokkiha, bagamannokki baxilli wo'minohehanna hanqokkino agurte maaratto Magano ikkoottota afoommo.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

LUQAASI 15:32

Kuni rodiikki kayinni, reyinohu kaino; bainohu leellino. Kunnira, hagiidha hasiissannonke› yiinosi» yii.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

ROOMU SOKKA 11:4

Maganu ma yee dawarisi? «Ba"aali yinannihura kaphu maganira kumbuulinokkiha lamala kume manna gatisi'roommo» yiinosi.

MARRO 33:26

Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.