MIKIYAASI 7:12 - Qullaawa Maxaafa

¹² Manni'ne duuchunku raginni ki'newa higanno. Daannohuno, soojjaatinni Asoori gobbanni, wodiidinni Gibitsetenni, Efiraaxisi mulinni, hattono xeertote noo wayibbanna ilaallawiinniiti.

MIKIYAASI 7:12 ပူးပေါင်းရင်းမြစ်များ

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 11:16

Akaakkansa Gibitsetenni fultu waro assinte gede, baotenni gattinoti Israeelete taraare Asoorinni fultanno doogo qixxeessanno.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 49:12

Kune manni'ya xeerto gobbanni daanno; aliyyenninna galchiminni, qoleno wodiidinni Asiwaani yinanni kataminni higanno» yii.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 46:27

«Borojjichi'ya Yaiqoobi ooso waajjitinoonte; Israeelete manna massinoonte; qafadantinoonniwiinni fafo gobbanni gatise fushsheemmo'ne. Hakkunni gedensaanni waajjishanno'neri nookkiha, keere heedhinanni.

HIZIQEELI 29:21

«Kuni ikkanno yannara, Israeelete manna jawaachisheemmo. Hiziqeeli atino, mannu macciishsha dandaanno darga baalaho, qoonqokki naggi assite coyi'ratto gede asseemmohe. Kunni garinni mannu, ani Kaaliiqa ikkoommota afanno» yee coyi'rie.

HIZIQEELI 37:21

Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HOOSEI 11:11

Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.