MIKIYAASI 7:1 - Qullaawa Maxaafa

¹ Ani laalo xinqi'nihu gedensaanni gatino xaro yorannoha ikkoommo; hakkunni dinona anera aanne'e.

MIKIYAASI 7:1 ပူးပေါင်းရင်းမြစ်များ

FAARSO 120:5

Ki'ne ledo hee'ra, Kaajjado Mesheeki woy Qeedaari gosa ledo hee'rate gedee bushaati.

LAWISHSHA 20:6

Mannu baalu umisi danchumma duduwanno; ammanamino mancho kayinni maminni anfanni?

ISAYAASI 17:6

Shiimu manni callu gatanno. Aliidi sinira 2 woy 3 gumi noosihu gede, qoleno woriidi sinira 4 woy 5 gumi gatino ejersi gede ikkitanno. Konne coye coyi'roommohu ani Israeelete Magani Kaaliiqaati.

ISAYAASI 24:13

Baattote aana noo gosa baalate kuni coyi ikkanno; baalunku ejersunnitanna woyinete laalo xinqi'nihu gedensaanni gatino xari gede ikkanno.

ISAYAASI 24:16

Kalqe baalatenni, «Keeraanchoho ayirrinyu ikkosi» yinanni faarso macciishshinanni. Ani kayinni lowo geeshsha jaawoommo daafira, anera bayisibao! Hexxinannihu dihee'ranno; baalunku mimmitoho badhe wodhannoha ikkanno.

ISAYAASI 28:4

Shaqqadu lagichira iimaanni noohu Samaariyu Katami rahotenni ayirrinyesi hooganno. Isino giggiltanno daraaronna umo iilliteenna xinqine intanni haqqicho laalo gede ikkanno.

ISAYAASI 6:5

Anino, «Suume battaabbinoehu suume battaawino manni ledo hee're Moote Olantote Mooticha Kaaliiqa ille'yanni afoommona baoommo! Ane hunsha!» yoommo.

ERMIYAASI 15:10

Ama'ya! Anera bayisibao! Hanni ane mayira ilittae? Gobbote aana noo manni baalunku ledo, giwameemmoha ikkoommo. Ayerano diliqiissoommo; ayewiinnino diliqii'roommo; kayinnilla mannu baalu rumannoeha ikkoommo.

ERMIYAASI 24:2

Mittu gimboolira yannatenni laaltinoti dancha laalo no; layinki gimboolira itate seekkinokkiti bulaassino laalo no.

ERMIYAASI 4:31

Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.

ERMIYAASI 45:3

« ‹Baarooki: Kaaliiqi qarri'ya aana dadille ledinoena anera bayisibao! Lowo geeshsha daafuroommo; fooliishshono diafi'roommo› yootto.

ERMIYAASI 5:1

Kaaliiqi Yerusaalamete mannira, «Hanni Yerusaalamete doogga baala kawanna ka'a higgine la'e; taalo coyi'rannohanna, halaale hasannoha mitto mancho nafa anfannini? Taalo coyi'rannohanna halaalaancho, mitto mancho nafa affiniro, Yerusaalame maareemmo.

HOOSEI 9:10

Kaaliiqi, «Anera, Israeele afi'ra'ya, halalli gobbara laalinoha woyinete guma afi'rate gedeeti. Akaakka'ne afi'rummo warono, birrate umira laalinoha balasate guma afi'rate geeshsha hagiidhoommo. Ba"aali-Fegoori daggu woyite kayinni, Ba"aalira kumbuultino. Insano, hakkunni baxxannohu kaphu magani gede tiyyi'nannire ikkitino.

KIIRO 18:13

Ane Kaaliiqira abbitannohu baattonnihu umi laalchi baalu ateho. Minikki manni giddonni seeru garinni keeraa'minohu baalunku itona.