MIKIYAASI 6:8 - Qullaawa Maxaafa

⁸ Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

MIKIYAASI 6:8 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

KALAQAMA 5:22

hakkunni gedensaanni, Heenooki Maganu ledo qaafanni 300 diro hee'ri; wole labballonna seenne ili;

LAYINKI DUDUWO 30:11

Aseeri, Minaasenna Zaabilooni ga'rehu shiimu manni kayinni umonsa shollishe Yerusaalame dayi.

LAYINKI DUDUWO 32:26

Ikkollana Hiziqiyaasinna Yerusaalamete manni umonsa shollishsheenna, Hiziqiyaasi reyi barri geeshsha Kaaliiqi manna diqorichishino.

LAYINKI DUDUWO 33:19

Minaase Kaaliiqa huucci'rino huuccatto, Kaaliiqi qolinosi dawaro, aagintaawara albaanni loosino cubbi, loosinoti addi addi bunshe, isi seekkinoti dagate maganna magansi'nanni darguwanna Asheera mokkollonna magansi'ranno maganna baala himanaanote dhagge amaddino maxaaffara borreessante no.

LAYINKI DUDUWO 33:23

Annisi gede gaabbe umosi shollishe Kaaliiqiwa higara dihasi'rino. Annisihunni roorino cubbo loosino.

LAYINKI DUDUWO 34:27

Ani Yerusaalamenna giddose noo manna qorichisheemmo gara macciishshitto yannara, umokki shollishshe dadillunni uddanokki darte wi'litanni aagintaawootto. Kunnira huuccattokki macciishshoommo.

NEHIMIYA 9:13

Gordunni dirrite mannakki Siina Ilaalira hasaawisootto. Dancha doogo kulannoha halaalaancho seeranna dancha woga oottonsa.

FAARSO 101:1

Kaaliiqa, faarso'ya bagamannokki baxillikkinna taalo coyi'rakki daafiraati; hatte faarsono atera faarseemmohe.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

FAARSO 37:26

Isi wo'ma woyite callano aanno; liqiissannono; oososino maassantanno.

FAARSO 73:28

Anera kayinni Maganunniwa gamba yaa woyyitannoe; Tsiyooni waalchira uurre dhaggenniha loososi kulate, Mooticha Magano golo'ya assi'roommo.

LAWISHSHA 21:3

Kaaliiqi kakkalotenni roore, keeraanchimmanna halaale loosa baxanno.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 22:16

Buxanetenna gadadaammaho halaale fushshannoha ikkino daafira, baalunkuri injiinosi; ane Kaaliiqa afate yaa, hattooti.

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

ERMIYAASI 9:23

Kaaliiqi, «Egennaamu egennosi, wolqaataamu wolqasi, dureessuno durummasi ku'loonke.

ERMIYAASI QURTO 3:26

Kunnira, mannu sammi yee cince, Kaaliiqi gatisaanchimma agadhiro danchaho.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 33:14

Mittu bunshe assinohu reyara rahinota kule qorophisiiseenna, cubbo loosa agure danchanna taalo coye assiro,

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

HOOSEI 6:6

Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

LEEWAAWOOTA 26:41

ani diina ikkeemmonsa gedenna diinnansa gobba qole shorreemmonsa gede assino cubbo aagintaabburo, umonsa heeshshi assituronna cubbinsara malino qoricha adhituro,

AMOOTSI 5:24

Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.

MIKIYAASI 6:9

Kaaliiqa waajja egennote. Isi katama, «Katamu giddo gamba yitine heedhinoonni manni macciishshe!

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

ZAKKAARIYAASI 7:9

«Ani Olantote Mootichi Kaaliiqi manni'yara albaanni oommo hajajo, ‹Taashshitine coyidhe; ki'ne ki'nenee mararre; mimmiti'nera shooshaqqe.

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

MAATEWOOSI 5:7

Wolu sao agurtannori ba'raadhinoreeti; insa saono agurranninsana.

LUQAASI 10:42

Hasiisannohu mitto coye callaho. Maariyaami dancha coye doodhitino; konne coye isewiinni diadhinannise» yee qolise.

LUQAASI 11:42

«Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne.

LUQAASI 12:14

Yesuusi qole, «Koo mancho, ane ki'nera cimeessanna iqqa beeheemmoha asse worinoehu ayeti?» yiisi.

LUQAASI 6:36

Gordu Anni'ne maarannoha ikkinonte gede, ki'neno maartinannire ikke» yiinsa.

ROOMU SOKKA 7:16

Assate hasi'reemmokki coye asseemmoha ikkiro, Seeru dancha ikkinota leellisheemmo.

ROOMU SOKKA 9:20

Koo mancho! Maganu ledo xa'mamate mayi taalleenyi noohe? Doru uduunnichi ganannosiha, «Togo assite mayira loosittoe» yaa dandaannoni?

UMI QORONTOOSI 7:16

Ati ammanoottati, ammaninokkiha minaannakki gatisattata mayinni afatta? Ati ammanoottohu, ammantinokkita minaamakki gatisattota mayinni afatto?

EFESOONI SOKKA 4:32

Mimmiti'nera shaqqaddanna shooshaqoota ikke; Maganu Kiristoosinni cubbo'ne agurino'nente gede, ki'neno mimmiti'ne sao agurre.

MARRO 27:10

Kunnira, Magani'ne Kaaliiqira hajajamme; techo eemmo'neta hajajosinna seerasino agadhe» yiinsa.

MARRO 30:15

«Kuneeti, techo doodhitinanni gede danchanna busha, heeshshonna reyo oommo'ne.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

YAIQOOBI 2:20

Ati hawanyu! Ammana loosiweello gumu nookkita ikkitinota afa hasi'ratto?

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

UMI PHEEXIROOSI 3:8

Hakkiinni sairo, baalunku mimmiti'ne ledo sumuu yitine heedhe; wolu manni qarra umi'nehu gede assitine hedde. Rodiimmate baxillinni baxamme; shaqqaddanna jooguulle ikke.

UMI SAAMUEELI 12:23

Anino ki'ne daafira huucca agure Kaaliiqi aana sao asseemmokki gede isinni agaroe. Qoleno danchanna suwashsho doogo rosiiseemmo'ne.

UMI SAAMUEELI 15:22

Saamueeli, «Kaaliiqi, hajajamantenni roore fushshaatenna kakkalo baxannoha lawannoheni? Hajajama kakkalotenni, macciishsha ge'rechu goci coominni roortanno.