MIKIYAASI 6:16 - Qullaawa Maxaafa

¹⁶ Kuni duuchunku iillanno'nehu moote Omiirihanna gashshootesi ragi'nohu beettisi Akiaabi miniha busha rosonna busha looso ha'runsitinoonnihuraati. Isi amaale adhitinoonni daafira huneemmo'ne. Mannu wo'munku albaanni oso'linannire asseemmo'ne. Manni'ya mereero mishantinoonnire ikkitinanni» yaanno.

MIKIYAASI 6:16 ပူးပေါင်းရင်းမြစ်များ

UMI MOOTOOLLA 18:4

Elzaabeeli Maganu himanaano shiishiishshu yannara Abidiyu, 100 himanaano 50, 50 asse lamewa beehe godu giddo maaxe sagalenna waa aanni towatinonsa.)

UMI MOOTOOLLA 9:8

Kuni Minino diigame duuno ikke gatanno. Muleenni hige sa"annohu baalu lae mase, ‹Kaaliiqi tenne gobbanna konne Mine togo mayira assi?› yee mimmito xa'manno.

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI MOOTOOLLA 21:3

Annisi Hiziqiyaasi diige huninota daga magansidhanno gaarra aana galagalche kakkalote darguwa seekkino. Israeelete moote Akiaabi gede Ba"aali maganirano kakkallanni darguwa seekke, Asheera mokkollichono uurrisino; gordu beeddahe baala magansi'rino.

LAYINKI DUDUWO 22:4

Annisi reyihu gedensaanni Akiaabi mini manni amaale adhe insante gede Kaaliiqi giwanno coye assino. Insano so'rote giddora eessitinosi.

LAYINKI DUDUWO 34:25

Insa ane agurte wole magannara kakkaltino. Angansanni seekkidhino magannanni ane hanqissinoe. Yerusaalamete hanqoommohu hanqi'ya buwannota ikkinnina diqiidanno.

FAARSO 1:1

Bushuullu amaale adhannokkihu, cubbaataammu doogo aanna uurrannokkihunna, haariimaasine hossannowa hosannokkihu ba'raa'rinoho.

FAARSO 44:13

Olliinkera heedhanno gosa mishshannonke gede, qooxeessinkera heedhannori oso'litannonkenna qacifattannonke gede assootto.

FAARSO 44:14

Dagate maammaashsha, mannu mereerono hii"i! Yinannire assoottonke.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

ERMIYAASI 19:8

Konne katamano diigame duunamanno gede asseemmo; hakkaanni hige sa"annohu baalu mase afoo cu'mi'ranno; ikkino coye lae maala'lanno.

ERMIYAASI 25:18

Yerusaalametenna Yihudu katamma manni, mootoollanna ledonsa gashshaano kunni finiinchinni agganno gede assinoonni. Kunninni kainohunni, tini gobba la"ate lowo geeshsha waajjishshannota mullicho, xononnitanna rumonnita ikkitanno. Techo geeshshano hatto yine woshshinanni.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 29:18

Bagadunni, hudetenninna dhibbunni shorreemmonsa; daga baala la'e bararraaqqanno. Insa billaallisoommo gobbara noo manni baalu, ‹Insa gede ikke› yee rumanno; bararraaqanno; diqatannonna afoo cu'mi'ranno.

ERMIYAASI 51:51

‹Xonnoonninke daafira, saalu amadinonke. Qullaawu Dargira Kaaliiqi Minira, wole gobba manni eino daafira, sholline umo heeshshi yinoommo› yitinanni.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

ERMIYAASI QURTO 5:1

Kaaliiqa! Ninke aana ikkinore qaagi; kune, shollinyenke lai!

HIZIQEELI 39:26

Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

HOOSEI 12:14

Ikkollana Israeelete manni Kaaliiqa lowo geeshsha hanqisino. Assitino saorano reyotenni qorichishannonsa; su'masi xonsiissinorirano yoo yaanno.

HOOSEI 5:11

Israeele mittore nafa aate dandiitannokkiriwiinni kaa'lo afi'rate insawa alba higgino daafira, shetto amaddinonsa. Uminsa amado ikkitino baattono hooggino.

MIKIYAASI 2:6

Israeelete mannino, «Ninke aana himana coyidhooti; kuni coyi wo'munku iillannonsa yitanni dudubbooti; togoo shollinyi horonta diamadannonke.

MIKIYAASI 6:13

Kunnira, cubbi'nenni kainohunni ki'ne hunammoranna diigammora kaoommo.

YOHAANNIS AJUUJA 2:20

Ikkollana mittu misheemmohe coyi no. Hakkuno, «Ani himanaanchote» yitannota Eelzaabeeli sammi yite agurootto; ise soqqamaano'ya foortannonna kaphu magannara kakkalloonni sagale ittanno gede assite so'risiissanno manchooti.