MIKIYAASI 6:12 - Qullaawa Maxaafa

¹² Mereero'ne noore buxane gadadissino. Wo'munku kapho coyidhinannireeti.

MIKIYAASI 6:12 ပူးပေါင်းရင်းမြစ်များ

FAARSO 120:2

Kaaliiqa'ya ballo, kaphaasinetenna dogaasinetewiinni gatisie.

FAARSO 35:20

Afiinsanni danchu coyi difulanno; manna iillannokki mannira busha maltanno.

FAARSO 78:36

Ikkeennano, afiinsanni awaawurtinosi; arrawinsannino dogginosi.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 3:8

Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ISAYAASI 5:7

Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

ERMIYAASI 9:8

Arrawinsa shaanno maxxaati; wo'mante yannara kapho coyidhanno; ku'u ko'onne goowi alinni keere haa'ranno; wodanunni kayinni woshshaadasira hedanno.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

HOOSEI 7:13

«Anewiinni faffe hadhino daafira, insara aanne'e! Anera mokkookkitinoehura bao daggannonsa. Wonara ani gatisammonsara hasi'roommo. Insa kayinni ane kaphunni magansidhinoe.

AMOOTSI 2:4

Kaaliiqi, «Yihudu manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa seera'ya huntino; hajajo'yano diagadhitino. Insano, annuwansa magansidhinoti kaphu maganna so'risiissinonsa.

AMOOTSI 6:4

Daaniichu hinkonni seesiinsoonni daallasira goxxinanni; ge'reewu wilii'lenna, lalu siitta ittinanni; haranchu daallasi aana gangalattinanni.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

SOQQAMAASINETE LOOSO 24:9

Ayihudootuno, «Kuni halaaleho» yite afo xaaddu.

ROOMU SOKKA 3:13

Busha coye coyi'rate afiinsa waammate gede fa'naminoho; arrawinsanni dogganno; suumensanni fulanno coyi, hamashshu harfi gedeeho.