MIKIYAASI 5:8 - Qullaawa Maxaafa

⁸ Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

MIKIYAASI 5:8 ပူးပေါင်းရင်းမြစ်များ

KALAQAMA 49:9

Yihuda, ati aju doobbiichi gedeeho; ati beetti'ya, itattore ugaaxxe godakki higatto. Doobbiichu gede diriiffatte goxatto; seyate goxanotenni kayisannohehu dihee'ranno.

FAARSO 104:20

Hashshano ati kalaqootto; hakko tunsichinni dubbu moyichi baalu fulanno.

FAARSO 44:5

Ate wolqanni diinanke qeelleemmo; su'mikkinni aananke ka'inore kandeemmo.

FAARSO 50:22

Ki'ne ane habbinanniri, xa yeemmota wodanche; ka'a woyite kayinni huneemmo'ne; gatisanno'nehuno dihee'ranno.

LAWISHSHA 30:30

Insano, wolqa saada baalanta roorinohu, ayeno waajje badhera xooqannokki doobbiichooti,

ISAYAASI 5:29

Olantonsa, shorre amadinoricho afiisinni karara dandaannohu nookki doobbiichi gede ittantanno.

HIZIQEELI 39:10

Kunnira, olu bagado giidhitanno daafira, haqqe hiiqqi'ranna kadha dihasiissannonsa; alba horritinonsare qolte rabbate horritanno. Ani Mootichu Kaaliiqi konne coye coyi'roommo» yii.

HOOSEI 5:14

Kunninni kainohunni Israeele doobbiichu gede, Yihudano aju doobbiichi gede ikke hiiqqaqqe agureemmo. Hawulukki asse haa're ha'reemmonsa; ayino gatisansara didandaanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 4:13

Kaaliiqi, «Ki'ne Yerusaalamete manna! Martine diina'ne gidu gede assitine ganne; buudasi siwiila, culunqasi camo ikkino woraami gede jawaatoota asseemmo'ne. Co'o assitine huntinanni. Beebbatenni adhitinoonni jironna beehacho wo'manka gobba wo'mante Mooticha ikkoommohura anera abbitinanni» yaanno.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

ZAKKAARIYAASI 10:5

Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.

ZAKKAARIYAASI 11:6

Kaaliiqi, «Anino kunni ka'a baattote aana hee'rannoha ayeno dimarereemmo; ani umi'ya mitto mittonka olliichisiranna gashshaanchisira sayise eemmo; insa gobba gadadissanno; anino angansanni digatiseemmonsa» yaanno.

ZAKKAARIYAASI 12:3

Ikkollana kayinni hakku barri iillanno woyite, Yerusaalame daga baala dukke kayissannokki kinchi gedeeta asseemmose. Ise kayisara wo'naalannohu baalu umosi gawajjanno; gosa baala ise miiccara mimmitoho garo ikkite dagganno.

ZAKKAARIYAASI 14:18

Gibitsete mannino ayyaana ayirrisate Yerusaalame daye Kaaliiqa magansi'ra giwiro, «Yerusaalame marre Daasu Ayyaana diayirrinseemmo» yitannore, wole dagara soyi moollenni ganannonsa.

ZAKKAARIYAASI 9:15

Olantote Mootichi Kaaliiqi mannisira gargaraancho ikkanno; insano diinnansa corqaayyete worroonni kinnanni guddanno. Kakkalote mundee kakkalote darga dunnannihu gede, diininsa mundee ga'nite dimbinohu gede ikkite alaakkanno.

MILKIYAASI 4:3

Ani looseemmo barra bushuulle baattote aana kakkaddinanni; insano lekka'nera woroonni buluulu gede ikkite gattanno.

KIIRO 24:9

Tini gosa wolqaataamu doobbiichi gede ri'e agartanno; kisannonsahu ayeti? Maassi'rannonsahu maassamanno; rumannonsahu rumamanno!» yii.

MAATEWOOSI 10:14

Haa'ranno'nekkihu woy yitinoonnita macciishshannokkihu hee'riro, hakkonne mine woy katama agurtine fultinanni woyite lekka'ne buko ganga'ne.

SOQQAMAASINETE LOOSO 18:6

Ikkollana, Ayihudootu gibbusitanna xontusita, uddanosi buko giggishshi're, «Xaate ani halaale gudoommo; kunni ka'a xa'mantinanniri ki'neeti. Ani xa daganniwa ha'reemmo» yiinsa.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.