MIKIYAASI 5:10 - Qullaawa Maxaafa

¹⁰ Kaaliiqi, «Hattenne yannara, farado'ne baala huneemmo. Faradi gaare'ne duuchanta hiiqqaqqeemmo.

MIKIYAASI 5:10 ပူးပေါင်းရင်းမြစ်များ

ISAYAASI 2:7

Baattonsara birrunna culku wo'mino daafira jiro jirote aana kadhitino; gobbansara faradu wo'mino; faradi gaarensarano kiiro dino.

ERMIYAASI 3:23

Halaalinta gaarrate birxe fulle, kaphu maganna magansi'ranke mittoreno dileddinonke. Israeele gatisattohu Maganinke Kaaliiqi ate callaati.

HOOSEI 1:7

Yihudu manna kayinni marareemmo. Ani Maganinsa Kaaliiqi gatiseemmonsa; gatiseemmonsahuno olunni di"ikkino. Bisetenni, digaanunni, maxxunni, woy faradunna faradaasinetenni di"ikkino» yii.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

MARRO 17:16

«Mootete olantora lowo faradi hee'roonkensa. Farado hidhateno manna qole Gibitse soonke; Kaaliiqi hakkiichira hingannikki gede hajajino.