MIKIYAASI 4:9 - Qullaawa Maxaafa

⁹ Togo raartanni wi'lattahunna ilate game amaddino mancho gede hinciiccamattahu mayiraati? Moote noohekkihuraatinso, amaalannohehu hooginohehuraati?

MIKIYAASI 4:9 ပူးပေါင်းရင်းမြစ်များ

ISAYAASI 13:8

Iltanno mancho game amaddannohu gede, insano waajjillu goxano ho'lannonsa. Waajjillunni kainohunni baalunku mimmito alba la'anno.

ISAYAASI 21:3

Afoommonna macciishshoommo coyinni kainohunni dhiwamoommo; ilate game amaddino mancho gede ikkoommo.

ISAYAASI 26:17

Kaaliiqa, godowinni noo mancho game amaddeenna, shette xiixantannohu gede, ninkeno ate albaanni hatto ikkinoommo.

ERMIYAASI 22:23

Ati Libaanoosinni abbinoonni daguwinni minnoonni mine hee'rattohu, iltanno mancho amaddanno game gedeeti amaddannohe woyite, hiitto ikkite uratto ikka?

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 4:21

Diinu baandira wele assanna, olunnihanna xurumbu luulo, macciishshanni hee'reemmohu mamooti geeshshaati?

ERMIYAASI 4:31

Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.

ERMIYAASI 48:41

Katammanna qiisho baala amadantanno; hatte yannara Moaabi olanto game amaddino mancho gede ikkitanno.

ERMIYAASI 50:43

Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.

ERMIYAASI 8:19

Hanni macciishshe! Manni'ya fafo gobbara hee're, «Kaaliiqi kataminkera Tsiyooni dihee'ranno? Mootenke hakkiicho dihee'ranno?» yaanni, raaranno raare macciishshoommo. Kaaliiqi mootensa, «Misillanna wole gobbata kaphu maganna, magansi'ratenninna kumbuulatenni, ane mayira hanqissinannie?» yee coyi'rinsa.

ERMIYAASI QURTO 4:20

Horritannonkeri baaluwiinni gatisannoha, Kaaliiqi doorinoha, lubbonkera hexxinoommo moote qafaddino.

HOOSEI 10:3

Mannuno, «Kaaliiqa waajja agurroommo daafira gashshannonke moote hoongoommo; moote hee'roommenkerono ma"assannonkehu baino?» yaanno.

HOOSEI 13:13

Israeelete lubbotenni hee'rate hexxo noonsa. Kayinnilla ilamanno barri iillanno woyite amasi godowi goddonni fulara hasi'rannokki qaaqqi gede gowwoota ikkitino.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

YOHAANNISI 16:21

Ila rakkino meyati gamete barri iillinosehura yaaddanno. Iltuhu gedensaanni kayinni, tenne gobbara qaaqqu ilamino daafira hagiidhite qarrase habbanno.

YOHAANNIS AJUUJA 12:2

Ise godowinni no; ilate game amaddeennase qarrante raartanni no.