MIKIYAASI 4:7 - Qullaawa Maxaafa

⁷ Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

MIKIYAASI 4:7 ပူးပေါင်းရင်းမြစ်များ

FAARSO 2:6

«Tsiyooni Ilaali qullaawu aana moote'yano moohisi'roommo» yii.

ISAYAASI 16:5

Hatte yannara mittu gashshooti hegere baxillinni uurranno. Daawiti sirchinni mittu ammanaminohu moohanno. Isi rahe halaale hasannohonna taashshe gashshanno mooteeti.)

ISAYAASI 24:23

Olantote Mootichi Kaaliiqi, Tsiyooni Ilaalira Yerusaalamete moohanno daafira, aganu tunsanno; arrishsho xo'anno; gashshaano baala ayirrinyesi la'anno.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 60:22

Insa giddonni ajjino ilama kume, wo'munkura maa'ne ikkitinori, wolqaataame gosa ikkitanno; ani Kaaliiqi kuni coyi yannasinni rahe wo'manno gede asseemmo» yii.

ISAYAASI 66:8

Togoo coye afenna macciishshe egenninohu nooni? Mitto barra ilantino gosa nooni? Tsiyooni kayinni gamaa'mitanni keeshshitukkinni iltanno.

HIZIQEELI 43:7

«Koo manchi beetto, kuni ayirrinyu barcima'yaati. Konne Israeelete manni mereero hegerera hee'reemmo. Kunni ka'a insanna mootoollansa kaphu maganna magansi'ratenni woy konniicho mootoollansa waa'matenni qullaawa su'ma'ya dibatteessitanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 4:34

Qoleno, «Lamalu diri saihu gedensaanni ani iima gordoho hee'ranno Magano huucci'rummo; wodani'yano darga higie; Wo'munkura Aliidi Magano galaxxanni, « ‹Gashshootisi hegereho; Mootimmasirano gawalo dino.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

DAANIEELI 7:27

Baatto baalate aana nooti gashshootu roorre, wolqanna gaacheenu baalu qullaawu Wo'munkura Aliidi Magani mannira aamantanno; gashshootunniti roorrensa hegere geeshsha kaajjite heedhanno. Gobba baalate gashshaano insara hajajante soqqantannonsa» yii.

HOOSEI 1:10

Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

IYUEELI 2:32

Kaaliiqi su'ma woshshannohu baalu gatanno. Kaaliiqi coyi'rinonte gede Tsiyooni Ilaalinninna, Yerusaalametenni xagichu fulanno. Kaaliiqi doorinonsarino gattanno.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

ABIDIYU 1:21

Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

LUQAASI 1:33

Yaiqoobi minirano hegerera moohanno. Gashshootisira gawalo dino» yiise.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.