MIKIYAASI 4:5 - Qullaawa Maxaafa

⁵ Daga wo'manti uminsa maganna magansidhanno. Ninke kayinni hegere geeshsha Kaaliiqa Maganonke magansi'neemmo; isira hajajammeemmo.

MIKIYAASI 4:5 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

LAYINKI MOOTOOLLA 17:29

Samaariyaho noo manni kayinni uminsa maganna seekki'ranni Israeelete manni seekkinowa qullaawa darga masse wodhi; mitte mittenti gaamo heedhanno katamira uminsa magano seekkidhu.

LAYINKI MOOTOOLLA 17:34

Hakkonne albi rosonsa xaa geeshsha diagurtino; Kaaliiqa callasi dimagansidhanno. Israeeli yinoonnihura Yaiqoobi sirchira uyinoonni woga, wodho, seeranna hajajo diwonshitino.

FAARSO 20:6

Kaaliiqi buurino moote gatisannosita xa afummo; gordoho qullaawu dargisira hee're dawarannosi; wolqasinni bayira qeelle aannosi.

FAARSO 71:16

Kaaliiqa Magano'ya ate jawaantenni ha'reemmo; keeraanchimmakki calla lallaweemmo.

ISAYAASI 2:5

Ki'ne Yaiqoobi sirchi amme, Kaaliiqi aannonke caabbichi giddo hee'nona.

ISAYAASI 26:13

Kaaliiqa Maganonke, wole lowo mootoolla gashshitinonke; ninke kayinni ate calla ayirrinseemmo.

ISAYAASI 26:8

Mooticha, seerakki agadhinanni ate hexxineemmo; wodaninke halchono ate ayirrisate.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

SOQQAMAASINETE LOOSO 14:16

Leddeno, «Albi yannara Maganu mannu baalu hasi'ri doogo ha'rara facci asse agurino.

MARRO 27:10

Kunnira, Magani'ne Kaaliiqira hajajamme; techo eemmo'neta hajajosinna seerasino agadhe» yiinsa.

QOLASIYAASI SOKKA 2:6

Xa kayinni Mooticha Yesuusa Kiristoosa amma'nitinoonni garinni isinni heedhe.

QOLASIYAASI SOKKA 3:17

Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.

IYYAASU 24:15

Iso magansi'ra dancha lawa hooggu'nero kayinni, akaakka'ne Efiraaxisi Wayira widoonni heedhu waro magansidhure, woy xa gobbansara heedhinannirita Amooraawootu maganna magansidhinanniha ikkiro, magansidhinanniha techo doodhe. Aninna mini'ya manni kayinni Kaaliiqa magansi'neemmo» yii.