MIKIYAASI 4:4 - Qullaawa Maxaafa

⁴ Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.

MIKIYAASI 4:4 ပူးပေါင်းရင်းမြစ်များ

UMI MOOTOOLLA 4:25

Selemooni yannara Daaninni Bersaabehi geeshsha noohu Yihudunna Israeelete manni yaaddo nookkiha keere hee'rino. Baalunku umi uminsahura woyinennihuranna balasete haqqe caalira caa'lite fooliishshidhanni heedhino.

UMI MOOTOOLLA 5:5

Kaaliiqi anni'yara Daawitira, ‹Ate darga moohannohu beettikki Qullaawa Mine minannoe› yee coyi'rino. Anino, magansi'nanniha Qullaawa Mine Magani'ya Kaaliiqira minate kaoommo.

IYYOOBI 11:19

Waajjittokkinni goxxe galatto; lowo manni ate anga la"anno.

FAARSO 72:3

Mannikkira ilaalla jiro, gaarrano keeraanchimmate guma uyitanno.

LAWISHSHA 3:25

Hedeweelcho balanna bushuullu aana dagganno dano amaddannoe yite diyaadatto.

ISAYAASI 1:20

Gibbinironna haxawarritiniro kayinni bise ittanno'ne. «Konne coye coyi'roommohu ani Kaaliiqaati» yii.

ISAYAASI 17:2

Sooriyu katamma mannu hee'rannokkita ona ikkitanno. Hoolannohu nookkiha saada hakkiicho hossanno.

ISAYAASI 22:25

Hakko barra Olantote Mootichi Kaaliiqi, «Kuni coyi baalu ikkanno woyite kaajjado uduunne suxxinanni dawe ta'e ubbanno. Dawete aana suntoonni uduunni baalu uwe hiiqqaqqamanno» yii. Konne coye coyi'rinohu Kaaliiqaati.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ISAYAASI 32:17

Keeraanchimmate loosi keere abbanno; keeraanchimmate gumino, hegerera hawaqi'ne hee'nanni gede assanno.

ISAYAASI 36:16

Hiziqiyaasi yaannota macciishshitinoonte. Asoori moote, ‹Daggine anera anga uuyye! Hatto ikkitiniro woyinennitanna balasete laalo'ne ittinanni; waa'neno agginanni.

ISAYAASI 40:5

Hatte yannara Kaaliiqi ayirrinyi leellanno; coyi'rinohu Kaaliiqa ikkino daafira, konne coye mannu baalunku illesinni la"anno.

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ISAYAASI 58:14

ane egenna'nenni hagiirraamma ikkitinanni; gobba baalantera ayirradda asseemmo'ne. Anni'ne Yaiqoobira oommo baattonni fulanno jajjinni, duubbinanni gede asseemmo'ne. Konne coye coyi'roommohu ani Kaaliiqaati» yii.

ERMIYAASI 23:4

Towattannonsa albisootano woreemmonsa; hakkunni gedensaanni manni'ya waajjikkinninna masikkinni hee'ranno. Anino tenne lede diganeemmonsa; giddonsanni mittuno dixeanno. Konne coye coyi'roommohu ani Kaaliiqaati» yii.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HIZIQEELI 34:28

Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

HIZIQEELI 38:11

Huxxanna cufana afidhinokki katammara keere heedhannota hattenne wolqiweelo gosa horrate hedatto.

HIZIQEELI 39:26

Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

LEEWAAWOOTA 26:6

«Baattote keere eemmo; waajjishannori nookkiha goxxine galtinanni; busha moyicho baattote aaninni hooleemmo; baatto'nera olu dika"anno.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

ZAKKAARIYAASI 3:10

Hakku barri iillanno woyite, umi'ne woyinenna balase'ne hunda ofoltine ollaa'ne jilaho woshshitinanni qawaaxxidhine heedhinanni› yaanno» yii.