MIKIYAASI 4:3 - Qullaawa Maxaafa

³ Isi lowo daga mereero yoo yaanno. Mulenna xeertote noo gashshaasine jajjabbunnite mereero nooha, babbadooshshe hoolanno. Kunnira, bisensa heellakkote, urdensa haantote soorritanno. Gashshootu gashshootu aana ola dikayisanno. Kunni ka'a olu roso rosannohu dihee'ranno.

MIKIYAASI 4:3 ပူးပေါင်းရင်းမြစ်များ

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

FAARSO 46:9

Baattote qacce geeshsha nooha ola uurrisanno; digaana hiiqqanno; amaxxo cancananno; wonqono giire hunanno.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FAARSO 72:7

Isi gashshooti yannara keeraano qawaaxxidho; aganu ba"a geeshsha jiro batidho.

FAARSO 82:8

Magano ballo, kai! Daga baalanti atetena, baattote aana yoo yii.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 25:3

Wolqaataame gosa ayirrissannohe; kaajjado daga katammano waajjitannohe.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 60:12

Atera hajajantannokki gosanna, gashshootu baalu co'o yee ba"anno.

ISAYAASI 65:25

Hiyyeeyyenna ge'reewu wilii'li mitteenni hosanno; doobbiichuno handu gede galawa itanno. Hamashshu bukolla laaxanno; insa Qullaawu Ilaali'yara Tsiyooni, digawajjitanno; mittoreno dihuntanno» yii.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

HOOSEI 2:18

Hatte yannara manni'ya ledo gondooro e"eemmo. Moyichunna allaatte manna'ya gawajjitannokki gede asseemmo. Hattonni bagado baala baattote aaninni hooleemmo. Biseno maxxuno horonta dihee'ranno. Manni'ya harshammi yee keerunni hee'ranno gede asseemmo.

HOOSEI 2:20

Gondooro'yano agare galte'ya assi'reemmohe; atino ani Kaaliiqa ikkoommota afatta.

IYUEELI 3:2

Daga baalanta gamba asse, Iyosaafiixi Lagicha dirriseemmo. Manni'ya aana assitino sao baalantera, hakkiicho yoo yeemmonsa. Hatto asseemmohuno, insa manna'ya dagate mereero billaallissinonna, gobba'ya Israeele beeqqite amaddinohuraati.

MIKIYAASI 5:15

Anera hajajama gibbino gosa duuchanta hanqi'yanninna aari'yanni rabbisi'reemmo» yaanno.

ZAKKAARIYAASI 14:3

Hakkunni gedensaanni, Kaaliiqi sa'u yannara assinte gede, hattenne daga qasara ka"anno.

ZAKKAARIYAASI 8:20

Olantote Mootichi Kaaliiqi, «Wole gosaranna addi addi katammara hee'ranno manni Yerusaalame higanno yanna dagganno.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.

UMI SAAMUEELI 2:10

Kaaliiqa gibbannori cancanantanno; isi gordoho hee're insara beleqanno; Kaaliiqi baatto baalate yoo yaanno; isi moohisinosihura wolqa aanno; buuramino mootera gaacheena aanno» yitu.