MIKIYAASI 4:2 - Qullaawa Maxaafa

² kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

MIKIYAASI 4:2 ပူးပေါင်းရင်းမြစ်များ

FAARSO 110:2

Kaaliiqi gashshootikki roorre Tsiyooninni kayise halashshohe; baarigaarrakki aana roorre afi'ri.

FAARSO 119:1

Suwashsho doogo hadhannorinna, Kaaliiqi seeri garinni heedhannori baraadhinoreeti.

FAARSO 119:171

Wogakki rosiisattoe daafira, wo'manka woyite galaxxeemmohe.

FAARSO 122:1

«Kaaliiqi minira ha'no» yitue yannara, tashshi yiie.

FAARSO 25:12

Waajjannosi manna, Kaaliiqi doorantino doogo aana ha'risannonsa.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 54:13

«Oosokki baala ani Kaaliiqi rosiiseemmo; oosokki keerino bati'rinoha ikkanno.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ERMIYAASI 31:6

Ilaalaame Efireemi gobbara noo agaraasine, ‹Ka'e Tsiyoonira Maganinke Kaaliiqiwa ha'nona› yitanni lallabbanno barri daanno» yii.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

ZAKKAARIYAASI 14:16

Hakkunni gedensaanni, Yerusaalame qassu daga giddonni baotenni gattinori, Olantote Mootichi Kaaliiqira kumbuultaranna Daasu Ayyaana ayirrissara diru dirunkunni Yerusaalame dagganno.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

MAARQOOSI 16:20

Rosaanosino hadhe base baalate Dancha Duduwo lallabbu. Mootichuno insa ledo loosanni no; maalale loossanno wolqa aatenni, sokkansa halaale ikkitinota buuxisanni no.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

YOHAANNISI 6:45

Himanaanote maxaaffa giddo, ‹Mannu baalu Maganuwiinni rosanno› yine borreessinoonni. Kunnira, Anni'yawiinni macciishshe rosinohu baalu anewa daanno.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 13:42

Phaawuloosinna Barnabaasi xaadu mininni fultanna mannu insawa shiqqi yee, konne coye xaano daanno Barri Fooliishshonnihu soodono ledde kultansara huuccidhu.

ROOMU SOKKA 15:19

Hakku coyi ikkinohu, Qullaawu Ayyaani wolqanni addi addi maalalenninna malaattanniiti. Kunnira, Yerusaalametenni kayise Iliwariqooni geeshsha Kiristoosiha Dancha Duduwo gudise duduwoommo.

MARRO 6:1

«Martine ragidhinanni baattora agadhitinanni gede rosiisammo'nera Magani'ne Kaaliiqi uyinoe hajajo, woganna seeru kunninni aane nooho: