MIKIYAASI 4:11 - Qullaawa Maxaafa

¹¹ «Yerusaalame ba'o; diigamaserano tashshi yoonke» yitanni lowo gosa ki'ne aana hendoonnikki mitiimma tuggara gamba yitino.

MIKIYAASI 4:11 ပူးပေါင်းရင်းမြစ်များ

FAARSO 129:5

Tsiyooni gibbannori baalu qeelante, badhera higgo.

FAARSO 83:5

Hedonsano xaadisidhe, ate aana ka'ara yite, mimmitinsa ledo gondooro e'u.

ISAYAASI 10:7

Asoori moote kayinni hakkiinni sa'ino hedo afi'rino. Isi shiima manna calla ikkikkinni lowo gosa gudara hasi'rino.

ISAYAASI 17:12

Baaru dambali gedenna wolqaataamu lolahi gede luultannotera batinye gosara aanne'e!

ISAYAASI 29:7

Maganunniha Kakkalote Darga ikkino katama gawajjate daggannoti wole gobba olanto baala bagadinsa ledo mitteenni gooffanno; goxanote wodaninni hee'ne hendoonni coyi gede ikkite hawantanno.

ERMIYAASI 52:4

Sedeqiyaasi moohihunni honsikki diro tonnikki aganira tonnikki barra, Nabukadanatsoori olantosi adhe daye Yerusaalame qasara doyisse amadi. Olantosino katama gaangeessite huxxu qooxeessira bushsha tuultu.

HIZIQEELI 26:3

«Kunnira ani Kaaliiqi yeemmoti: Xiroosi katama, kuneeti ani hanqunni kaoommohe; atera bala tugganno gede lowo daga kawiira haa're abbeemmo. Insano baaru dambali gede ikkite aanaho ka'annohe.

HIZIQEELI 38:17

Yanna iillituro, manni'ya Israeelete aana bala tuge horrannoha mitto kayiseemmo gede soqqamaano'ya Israeelete himanaano widoonni qole, seeda yannara albaanni himannanni gede assummohe manchi ateeti. Ani Mootichu Kaaliiqi konne coye coyi'roommo› yiino yite kulisi» yee hajajie.

ABIDIYU 1:12

Yihudu gobbara heedhannore roduuwa'ne amadino qarrira, mayira hagiidhitini? Insara bao daggunsa barra mayira hisattini? Shette heedheenna mayira oso'litini?

MIKIYAASI 7:10

Diini'ya konne duucha lae saalfatanno. «Kaaliiqi Maganikki hiikko no?» Yaanni qacifatannehu diini'ya sholle doogote qaccera noo sabbi gede kakkadamanna ille'ya la'anno.

ZAKKAARIYAASI 12:3

Ikkollana kayinni hakku barri iillanno woyite, Yerusaalame daga baala dukke kayissannokki kinchi gedeeta asseemmose. Ise kayisara wo'naalannohu baalu umosi gawajjanno; gosa baala ise miiccara mimmitoho garo ikkite dagganno.