MIKIYAASI 3:6 - Qullaawa Maxaafa

⁶ «Barru hashsha ikkanno'ne; arrishsho e'eenna daanno tunsichi amadanno'ne. Manna'ya so'risiissinoonni daafira, xaate kunni ka'a ajuuja dileeltanno'ne; himanano dicoyidhinanni» yiinsa.

MIKIYAASI 3:6 ပူးပေါင်းရင်းမြစ်များ

FAARSO 74:9

Malaattano dila'neemmo; kunni ka'a himanaanchuno dihee'ranno; tini ikkitono mageeshsha keeshshitannoro afinohu dino.

ISAYAASI 29:10

Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

ISAYAASI 59:10

Illetenni afannokki manni gede babbaattinanni ha'neemmo; tunsote noohu gede barra xawoho sarraaqammeemmo; ree jeennaateho noohu gede ikkinoommo.

ERMIYAASI 13:16

Tunsicho abbeenna, ilaallate aana sarraaqantinikkinni, xawaabba agadhitine heedhineenna, beebbu tunsichira soorrikkinni, Magano'ne Kaaliiqa ayirrisse.

ERMIYAASI 15:9

Lamala ooso shiidhino ama, daaqqe foole qo'la hoogganno; barru hashsha ikkannose. Saalunna shollinyu amadannose; lubbotenni heedhinoonnireno, bagadu gudanno'ne gede asseemmo. Konne coye coyi'roommohu ani Kaaliiqaati» yiie.

ERMIYAASI 18:18

Mitu mitu manni, «Amme, Ermiyaasi assineemmota mallona. Seera rosiissanno qeesooti, mala kultanno hayyoolenna, himana kultanno himanaano noonkena, isi yaannore macciishsha agurre amme su'masi hunnona» yii.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 7:26

Bao baote aana dagganno; busha duduwo calla macciishshitanno. Mannu himanaano albillittete ikkannore kultannonsa gede huucci'ranno. Qeesootaho manna rosiissannori dihee'rannonsa; geerruno yee seejjannore hooganno.

AMOOTSI 8:11

Olantote Mootichi Kaaliiqi, «Baattote aanira hude abbeemmo yanna dagganno; hatti hudeno Kaaliiqi qaalite ikkinnina, sagalennitanna wayi goo'rota di"ikkitino.

MIKIYAASI 2:6

Israeelete mannino, «Ninke aana himana coyidhooti; kuni coyi wo'munku iillannonsa yitanni dudubbooti; togoo shollinyi horonta diamadannonke.