MIKIYAASI 3:5 - Qullaawa Maxaafa

⁵ Kaphu himanaano hasidhinore afidhannoha ikkiro, «Keeru dirranno'ne» yitanni dudubbanno. Hasidhinore afi'ra hoogganno woyite kayinni, «Dartu danno'ne» yitanni manna so'risiissanno. Kaaliiqi hatto assitanno himanaano,

MIKIYAASI 3:5 ပူးပေါင်းရင်းမြစ်များ

LAWISHSHA 28:21

Godowa hosa dancha di"ikkitanno; mitu kayinni shiima sagalera halaale dawisanno.

ISAYAASI 3:12

Woxe liqiissitannori manna'ya qarrissanno; qallote liqiissitannorino mulla anganni gatissinonsa. Manna'ya! Albisooti'ne so'risiissanno'ne; doogote aaninnino wirri assitanno'ne.

ERMIYAASI 23:27

Akaakkansa Ba"aali magansidhanni ane habbunte gede, haaqeensa mimmitoho kultanna manni'ya ane hawannoha lawannonsa.

ERMIYAASI 23:32

Halaalinta ani kaphu haaqee kultanno himanaano aana noommo; tenne haaqee kulte beebba naaxxitanni manna'ya halaaluwiinni wirri assitanno. Ani disoommonsa; hadhe"eno diyoommonsa. Mannahono kaa'litinori dino. Konne coye coyi'roommohu ani Kaaliiqaati» yii.

ERMIYAASI 6:14

Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.

ERMIYAASI 6:4

Mootoollano, «Yerusaalame qasate qixxaabbe! Barru taalo bala tungeemmona ka'e! Keeshshanke gara di"ikkitino; yanna hawarritanni no; arrishshono e'araati.

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HOOSEI 4:5

Hashshanna barra babbaattitinanni; himanaanono ki'ne gede babbaattitannore ikkitino. Kunni daafira ama'ne Israeele huneemmo.

IYUEELI 3:9

«Konne coye daga baalantera dudubbe. Olaho qixxaabbe; bareedda'ne baalanta woshshe. Olamaasine'ne baalanti gamba yite olaho fulto.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MILKIYAASI 2:8

«Xa ki'ne qeesootu halaalaancho doogowiinni wirri yitinoonni; rosiissinanni coyinni lowo manna so'risiissinoonni. Ani Olantote Mootichi Kaaliiqi Leewi ledo eoommo gondooro diigginoonni.

MAATEWOOSI 15:14

Insa illiweelte heedhe illiweeloota massaggannoreetina agurre. Illiweelu illiweelo massagiro lamunku balete ubbanno» yiinsa.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

ROOMU SOKKA 16:18

Hattoo manni kokkensara calla ikkinnina Mootichinke Kiristoosira soqqamannoha di"ikkino. Owaatunna awishshu qaalinni beebbaataamo manna dogganno.