MIKIYAASI 3:2 - Qullaawa Maxaafa

² Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

MIKIYAASI 3:2 ပူးပေါင်းရင်းမြစ်များ

UMI MOOTOOLLA 21:20

Akiaabi Eeliyaasi afiti, «Baarigaara'ya afi'rittoeni?» yii. Eeliyaasino, «Kaaliiqi giwanno coye assate umokki sayisse hirootto daafira, eewanni afi'roommohe.

LAYINKI DUDUWO 19:2

himanaanchu Hanaani beetti Iyu fule isinni xaade, «Bushuulle kaa'lanna Kaaliiqa gibbannorira ha'la danchateni? Kuni assootto coyi, Kaaliiqi hanqi aanakki dirranno gede assino.

FAARSO 15:4

Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

FAARSO 53:4

Maganu, «Manna'ya sagalimma ittannorinna, ane magansidhannokkiri woyyanno coye afa hasiissannonsani?» yaanno.

LAWISHSHA 28:4

Seera ayirrisannokki manchi busha manna galatanno; seera agadhannohu kayinni busha giwanno.

ISAYAASI 3:15

Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

ISAYAASI 5:20

Busha, danchaho; dancha bushaho; tunsicho xawaabbaho; xawaabba tunsichoho; qaraarannoha coommannoho; coommannoha qaraarannoho yitannorira aanne'e!

ISAYAASI 57:12

Ki'ne, ‹Ninke garaholla› yitinara dandiitinanni; ani kayinni looso'ne baala reqecci asseemmo; maganna'neno dikaa'litanno'ne.

HIZIQEELI 11:7

«Kunnira, ani Mootichu Kaaliiqi yeemmo'nehu konneeti: Kuni katami halaalenka maala ganfanni midaano gedeeho; hatto ikkina, ganfanni maali maatiyya? Ki'ne shitinoonni manni reeshsha di"ikkino? Ki'neno heedhinannikki gede kunni kataminni fushshe tugeemmo'ne.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 24:4

Dancha dancha maala tafunnihanna hayunniha murmurte, qoe afidhino miqqano cancante aanaho ledde gafi.

HIZIQEELI 34:3

Adonsa agginanni; ge'reewu ordanni gannoonni imaana uddidhinanni. Hardino ge'reewo gorritine ittinanni; ge'reewo kayinni diallaaltinanni.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

MIKIYAASI 2:8

Kaaliiqi kayinni, «Manni'ya aana diina ikkitine ka'inoonni; horontanni olu dino yee giddo'neenni hige sa"anni nooha afibbeelo manna mulqidhinoonni.

MIKIYAASI 7:2

Magano baxannohu danchu manchi baattote aana horontanni dino. Mannu mereero taashshannohu dino. Wo'munku mannu mundee dunate duganno; mittu mittunku umisi fiixa woshshaadara faana gananno.

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

YOHAANNISI 18:40

Insa kayinni, «Barbaani ikkinnina iso tirtootinke!» yitanni cancitu. Barbaani kayinni manna mulqi'rannoho.

YOHAANNISI 7:7

Alame ki'ne digibbanno'ne; ane kayinni loosise busha ikkinota coyi'reemmo daafira gibbannoe.

ROOMU SOKKA 1:32

Togoore assitannorira baalaho reyo maltinonsata kulannoha Maganu Seera affanni heedhenni, konne coye assitanno. Konne coye assitanni nooreno jawaachishshanno.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

LAYINKI XIMOOTEWOOSI 3:3

baxillu nookkiha, araara giwannoha, hemaancho, umosi qee'linokkiha, mararro afi'rinokkiha, danchumma giwannoha,