MIKIYAASI 3:11 - Qullaawa Maxaafa

¹¹ Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

MIKIYAASI 3:11 ပူးပေါင်းရင်းမြစ်များ

LAWISHSHA 17:23

Bushu manchi halaale dawisara yee, maaxe gubbo itanno.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 48:2

Ki'ne, «Qullaawu Katamira hee'neemmo; Olantote Mooticha Israeelete Magano hexxineemmo» yitine adawadhitinanni.

ISAYAASI 5:23

Gubbo itte sao assinoha keereensite, gawajjamino manchi halaale dawissannorira aanne'e!

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ERMIYAASI 23:17

Ani yoommore macciishshitannokkirira, ‹Keerella heedhinanni!› yitanno. Ani yoommo gede ikkitannokkirirano, ‹Qarru diamadanno'ne!› yite kultanno.

ERMIYAASI 26:7

Qeesootu, himanaanonna mannu baalu ani Qullaawa Mine hee're konne coye coyi'ranna macciishshitu.

ERMIYAASI 5:12

Himanaano kaphitanni, «Kaaliiqi mittono busha coye ninke aana diabbanno; keerella hee'neemmo; oluno hudeno diamaddannonke» yitanno.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

ERMIYAASI 7:4

Qullaawu Mini'ya konniicho noo daafira calla, Maganu gatisannonke yitinanni dogantinoonte.

ERMIYAASI 8:10

Galte'nenna gate'ne wole gobba mannira eemmo; buxichuno dureessuno, hanaaqunninna maqqaallotenni duroo'manno; himanaano'nenna qeesooti'ne nafa manna dogganno.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 34:2

«Koo manchi beetto, Israeelete allaalaasinera, ani Mootichu Kaaliiqi yeemmore baala himanunni, «‹Saada towatanna allaala agurtine, umo'ne towaxxitinannirira ki'ne Israeelete allaalaasinera aanne'e!

HOOSEI 4:18

Lowota woyinete xajje agguhu gedensaanni foorrensa suffanno. Roorrootinsano saalsiisanno coye assa baxxanno.

HOOSEI 4:8

Manni'ya cubbi ki'nera jiro ikkino'ne daafira, mannu cubbo lede loosara hasidhinanni.

AMOOTSI 5:14

Lubbotenni heedhinanni gede, dancha ikkinnina busha coye hassinoonte. Hatto ikkitiniro, yitinanninte gede, halaalenka Olantote Mootichi Kaaliiqi, ki'ne ledo hee'ranno.

AMOOTSI 9:10

‹Mittuno bushu coyi di"iillannonke woy diamadannonke› yitanni, manni'ya giddo boo'nitanno cubbaataammi baalu olu giddo reyitanno» yii.

MIKIYAASI 3:5

Kaphu himanaano hasidhinore afidhannoha ikkiro, «Keeru dirranno'ne» yitanni dudubbanno. Hasidhinore afi'ra hoogganno woyite kayinni, «Dartu danno'ne» yitanni manna so'risiissanno. Kaaliiqi hatto assitanno himanaano,

MIKIYAASI 7:3

Bushino coye assate addintanni busulootaho. Gashshaanchunna daanyu gubbo ita hasidhanno. Roorrichu yorinore kulannonsa gashshaano, yortosi wonshate hakkawoyintenni isi ledo mitteenni ma'litanno.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

SOFFOONIYAASI 3:4

Himanaanosi boo'natenni bedeedantinoreetinna giddonsa xagarro wo'mitinoreeti. Qeesootisi qullaawoota batteessitanno. Kaaliiqi hajajono uminsara injaannonsa gede shokkishshe tirtanno.

MILKIYAASI 1:10

Kakkalo'ya darga haafu kakkalo shilqishshinantenni, ki'ne giddonni Qullaawa Mine cufannohu mayi mittu hee'ra! Ki'nenni hagiidheemmokki daafira anera shiqishshinanni fushshaate diadheemmo.

MILKIYAASI 2:9

Ane seera agadha giwa'nenni halaale dawissinanni daafira, mannu baalu albaanni mishantinanninna shollitinanni gede asseemmo'ne» yii.

KIIRO 16:15

Museno lowo geeshsha hanqe Kaaliiqira, «Kuni manni aannohe fushshaate adhitooti. Ani kunni manni giddonni mittono dimiicoommo; insawiinni wole agurranna harricho nafa diadhoommo» yii.

KIIRO 22:7

Moaabinna Midiyaami gashshaano Israeele rumeenna baantannisi woxe haadhe Beleaamiwa marte Baalaaqi yiinoreno kultusi.

MAATEWOOSI 3:9

‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

TIITO 1:11

Garimale doogonni qiniite lexxitara yite, hasiisannokki coye rosiissanni mittu mini manna wodaassanno. Hattoo manna sammi assa hasiissanno.

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!

UMI SAAMUEELI 8:3

Ikkollana insa anninsa doogo dihadhino; qiniite afidhara yite doogimale gede ikkitino. Nyaanyo ittanni yoono shokkishshino.