MIKIYAASI 2:13 - Qullaawa Maxaafa

¹³ Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

MIKIYAASI 2:13 ပူးပေါင်းရင်းမြစ်များ

FULO 14:19

Israeelete olantora albaanni ha'ranni noohu Maganu sokkaasinchi badhensaanni sai; gomichu heelliichono badhensaanni sa'e,

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 51:12

Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 52:12

Kaaliiqi alba'neenni ha'ranno; Israeelete Magani badheenni dukkisanno'ne. Kunni daafira fultinanni woyite, muddantinikkinni suutunni hadhinanni.

ISAYAASI 55:4

Iso gaadaannanna roorricha assoommosi; isino ane daafira dagate naqaashshe ikkanno.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

HOOSEI 1:11

Hatte yannara Yihudunna Israeelete manni gamba yee mitto ikke, gashshannoha mitto albisa doodhanno. Galagale hige umisi baatto aana jirotenni lophe hee'ranno. Kuni barri Iyiziraeelira jawa barra ikkanno.

HOOSEI 13:14

Kunni ka'a tenne gosa jeennaate dirratannokki gede assate dihasi'reemmo. Reyotewiinnino diwodeemmonsa. Kunnira reyo, qoomamakki haadhe abbi! Jeennaate, baokki haadhe amo! Kunni ka'a konne manna horonta dimarareemmo.

HOOSEI 2:2

Ooso'ya ballo, kunni ka'a ama'ne galte'ya ikka hooggurono, anino ayiddaannase ikka hoogummorono, «Eeggatena foorakkinna baashaawakki aguri» yitine seejjese.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 3:1

Ki'ne Israeelete gashshaano, konne coye macciishshe! Halaalaancho yoo afa dihasiissanno'ne?

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

IBIRAAWOOTA 6:20

Kunni Qullaawu Minira Yesuusi Melketsedeqi gede kakkalaanchimmate hegereha Qeesootu Qara ikke, ninke daafira balaxe eino.

IYYAASU 3:6

Qeesootuno Gondooru Taaboota dukke manna balaxxe albaanni higge hadhanno gede kulinsa; insano hajanjoonninsa gede assitu.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.