MIKIYAASI 2:10 - Qullaawa Maxaafa

¹⁰ Ka'e hadhe; kuni bayichi cubbi'nenni kainohunni battaawe bainohura kunni ka'a kawiicho keerunni hee'ra didandiitinanni.

MIKIYAASI 2:10 ပူးပေါင်းရင်းမြစ်များ

UMI MOOTOOLLA 9:7

Israeele oommonsa gobbanni fushshe huneemmo. Magansi'naera yee qullaawa assoommoha konne mineno agureemmo. Gobba baalate hee'ranno manni Israeele haariimanni qacifatanno.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

LAYINKI DUDUWO 7:20

Israeele oommonsa baatto aaninni buqqise huneemmo. Su'mi'yara yee qullaawa assoommoha konne mineno agureemmo. Gobba baalate hee'ranno manni haariimannonna qacifatanno gede asseemmo.

FAARSO 106:38

Hakkore mittoreno affinokkire beebbaataamma oosonsa shitu; baattono mundeetenni battaabbu.

FAARSO 95:11

Hanqoommo daafira, «Fooliishshote gobba die'inanni» yee xaaroommo.

ERMIYAASI 10:18

Kaaliiqi umisi tenne baattonni fushshe hunanno'neti yanna iillitino; mittuno gattinikkinni cancane hunanno'ne» yiino yee kuloommonsa.

ERMIYAASI 3:2

Hanni hakka gaaru widira qolte lai; kaphu magannakki ledo fooroottakki dargi nooni? Mulqi'rara dubboho maaxame agaranno addi-fuli gede, atino doogote gama ofolte ellase agadhitanno mancho gede bunshekkinninna ammanama hoogakkinni baatto batteessootta.

ERMIYAASI 9:19

Tsiyooni manni, «Ninke diigammoommo; saalfantoommo daafira uurra didandiinoommo; minnanke diigantino daafira, baattonke agurre ha'neemmo» yii.

HIZIQEELI 36:17

«Koo manchi beetto, gari-male heeshshonsanninna bushu loosinsanni baatto batteessitino. Suudinsa ane albaanni, lagaawino manchi gedeeho.

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

MARRO 30:18

halaalintanni ba'inannita ani techo barra kuloommo'ne. Yordaanoosi Waa fultine ragidhinanni baattora lowo yanna diheedhinanni.

MARRO 4:26

Anera hajajama gibbiniero, baattote aaninni rakkine ba'inannita egensiisate gordonna baatto techo naqaashshe kiidheemmo. Yordaanoosi fultine ragidhinoonni baattora seeda diro hee'ra didandiitinanni; co'o yitine ba'inanni.