MIKIYAASI 1:6 - Qullaawa Maxaafa

⁶ Kunnira Maganu, «Mine diinge xawoho duunnoonni kinna gede asseemmose; woyine kaansanniwa ikkitanno; katamise giggilono lagicha qole duneemmo; xintaseno reqecci asseemmo.

MIKIYAASI 1:6 ပူးပေါင်းရင်းမြစ်များ

LAYINKI SAAMUEELI 17:13

Xooqe qiinshoonni katama eiro nafa Israeelete manni baalu katama siiwotenni goshooshe wigidiide lagaho tuganno; mittu kinchi nafa dargaho digatanno» yii.

LAYINKI MOOTOOLLA 18:10

Doyisse amadihunni sayikki diro Samaariya gudise angara qo'li. Kuni ikkinohu Hiziqiyaasi moohihunni leelki dirooti; Hoosei moohihunni qole honsikki dirooti.

LAYINKI MOOTOOLLA 18:9

Hiziqiyaasi moohihunni shoolki diro, Hoosei Israeelete moohihunni lamalki diro, Asoori moote Seliminaasoori Israeele qase Samaariya doyisse amadi.

LAYINKI MOOTOOLLA 19:25

« ‹Lowo dirira albaanni konne coye hedoommohu ane ikkoommota diafootto? Hedoommo coyi ikkanno gede assoommohuno aneeti. Qiinshoonni katamma diigge duuno assatto gede wolqa oommohehu aneeti.

ISAYAASI 17:1

Demaasiqote kulloonni sokka kunninni aante noote: Kunni ka'a Demaasiqonniti katamimmasi gatteenna diigame duuno ikkanno.

ISAYAASI 25:12

Moaabi qiisho diigante gattanno; cancanante bushshu ledo karsantanno.

ISAYAASI 25:2

Katamma diigante mulla darga ikkitanno gede assootto; qiishonsano diigootto; diinnanke mi'nitinota mootete minna co'o assite hunootto; layinkimeeshsho minnannikki gede assootto.

ERMIYAASI 31:5

Galagalte Samaariyu gaarrara woyinete kaashsho kaasi'ratta; kaasi'rino mannino laalose gudhanno.

ERMIYAASI 51:25

Qoleno Kaaliiqi Baabilooni gosara, «Ki'ne gobba baala huntinoonniri, ilaalu gede to'ine manna guddinoonniri Baabilooni gosa, anino ki'ne hatto asse gudeemmo. Buluushshe mulla darga asseemmo'ne.

ERMIYAASI 51:37

Baabilooni diigame duuno ikkeenna, aanaho yeedaala kukkubbitanno. La"ate bararraanqanniha ikkanno; giddosi mittu manchino dihee'ranno; afihu baalu qacifatannosi.

ERMIYAASI 9:11

«Ani hedoommore asseemmo barra, Yerusaalamenna Yihudu katamma baala, diigante duuno ikkite gattanno; yeedaala calla galtannowa asseemmo» yii.

ERMIYAASI QURTO 4:1

Culku xummesi hoogi; filu culki danasi bai. Qullaawa Mine minnoonni kinna, doogga baalate billaallitu.

HIZIQEELI 13:14

Noora buurtino huxxa diige, safote kincho calla agurate hedoommo. Huxxu diigamanno yannara, ki'ne himanaano baalunku reyitinanni; hatte yannara ani Kaaliiqa ikkoommota baalunku afanno.

HOOSEI 13:16

Samaariyu anera maahoyye giwino daafira qorichisheemmo; mannisino olunni reyanno. Qaaqquullu baattote aana cancanamanno; godowinni noorihu godowinsa dadhamanno» yii.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

AMOOTSI 6:8

Wo'manka Dandaannohu Mootichu Kaaliiqi, «Israeelete manni naaxxa giwisinoe; qinaado minna'neno tiyyi'roommo. Kunnira katamanna, katamu giddo heedhannore baala, diinaho sayise eemmo» yee su'misinni xaarino.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

IMBAAQOOMI 3:13

Mannakki gatisattoranna doorootto moote wodattora fulootto. Cubbaataammu sooreessa cancanootto; umunni lekkate geeshsha mulqootto.

MAATEWOOSI 24:2

Isi kayinni, «Konne baala la'inanni? Halaale kuleemmo'nena, kinchu kinchu aana duunamino gedeenni diigamikkinni digatanno» yiinsa.