MIKIYAASI 1:5 - Qullaawa Maxaafa

⁵ Kuni baalu ikkannohu Israeelete manni cubbo loosatenni Magano dadillisinohuraati; Israeelete manni baora kaima ikkinohu ayeti? Jawiidi katamansa Samaariya di"ikkino? Yihudu manni kaphu maganna magansi'ratenni cubbo loosanno gede assinohuno ayeti? Yerusaalame di"ikkitino?

MIKIYAASI 1:5 ပူးပေါင်းရင်းမြစ်များ

UMI MOOTOOLLA 11:7

Yerusaalamete soojjaatoonni noo gaari aana tiyyi'nanniha Moaabootu magano Kamooshinna Amoonootu magano Molooki magansi'nanni darga seekkino.

UMI MOOTOOLLA 13:32

Maganu manchi Beeteli kakkalote darginna Samaariyu katammara galmuwate ledo noo gaarra magansi'nannite daafira Kaaliiqi kulinosi himani addinta wo'manno» yii.

UMI MOOTOOLLA 16:24

Hakkunni gedensaanni Omiiri Shemeeri yinanni manchiwiinni Samaariyu gaara 6,000 kinchu birrinni hidhi. Gaaru aana qiisho qiishihu gedensaanni katama mini. Katamaho gaaru annira aanche su'ma, Samaariya yee fushshi.

LAYINKI DUDUWO 34:3

Iyosiyaasi moohihunni settikki diro, anjenni hee're albi annisiha moote Daawiti Magano Kaaliiqa magansi'ra hanafi. Shoolu diri gedensaanni daga magansidhanno darguwa, Asheera mokkollonna wole misilla baala Yerusaalametenninna Yihudunni guda hanafi.

LAYINKI DUDUWO 34:4

Isi hajajino manni Ba"aaliha kakkalote darganna mulensa noota hixaana giirranni uduunne gudi. Asheera mokkollonna wole maganna baala cancante buko assite hatte magannara kakkalanno manni moogga aana fincitu.

ISAYAASI 7:9

Israeelete umino Samaariyaholla; mootensano Faaquheetilla. « ‹Amma'natenni kaajjitine uurra hoogginiro, horonta diheedhinanni yiino› » yoommo.

ERMIYAASI 2:17

Kuni ikkinohuno massageemmo'neha, ane Magano'ne Kaaliiqa agurtineennaati.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

ERMIYAASI 23:13

Samaariyu himanaano illete giwissinoe; Ba"aali su'minni himana coyidhanni, manna'ya Israeele so'risiissino.

ERMIYAASI 23:14

Yerusaalamete himanaano kayinni, hakkiinni sa'ino bunshe assitino; foortanno; kaphu himana kultanno. Mannano bunshete kakkayissanno; bunshe loosa agurannohuno dihee'ranno; mannu Soddoomunna Gomooru manni gedeeha ikkino.

ERMIYAASI 4:18

Yihudu manna, kuni baalunku coyi ikkinohu bushu loosi'nenna busha ha'rinsho'nenni kainohunniiti. Cubbi'ne tenne qaraaro abbino'ne; bisi'ne giddora e"e wodana madiissino'ne.

ERMIYAASI 5:25

Tini loossinoonni bunshe atoote ho'litino'ne; danchu coyi baalu ikkanno'nekki gede assitino'ne.

ERMIYAASI 6:19

Baatto macciishshi! Manni'ya ane mishinoe; hajajo'yano agadha giwino. Busha coye assate ma'lino; xa hatti heddino bunshe insara dagganno.

ERMIYAASI QURTO 5:16

Ayirrinyinke aaninkenni ho'lino; cubbo loonsoommona, ninkera bayisibao!

HIZIQEELI 16:46

«Yerusaalame, rodookki seennise ledo, aliyyeenni noo Samaariyaati. Maa'ne rodookkino seennise ledo wodiidoonni noo Soddoomaati.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

AMOOTSI 7:9

«Yisihaaqi sirchi magansi'ranno gaari diigamanno; Israeelennihu qullaawu darginsa onanno; Iyorbiaami maateno bagadu gudanno» yii.

AMOOTSI 8:14

‹Daani magano› woy ‹Bersaabehi magano› yitanni Samaariyu maganna battennite su'minni xaartannori ubbanno; ubbinowiinnino horonta dika'anno» yii.

MIKIYAASI 1:13

Ki'ne Lakiishi heedhinanniri faradu gaare qixxeessidhe. Israeelete cubbi balaxe ki'newa leellinona, kunnira Yerusaalame sao assitanno gede kaima ikkitinoonniri ki'neeti.