MIKIYAASI 1:4 - Qullaawa Maxaafa

⁴ Hattenne yannara giira daaqissanno gaga gede, ilaalla lekkasira woroonni daaqqanno. Roggeno lagicha dirranno wayi gede ikkitanno.

MIKIYAASI 1:4 ပူးပေါင်းရင်းမြစ်များ

FAARSO 46:6

Daga waajjite raartu; gashshootuwano huxidhu; Maganu qoonqosi macciishshiishi woyite baattono daaqqu.

FAARSO 68:2

Wiliilete gede ikkite ba'o! Giira gaga daaqissannohu gede, cubbaataammu Maganu albinni hatto ikkite gooffo.

FAARSO 97:5

Baatto baalate Mootichi, Kaaliiqi albaanni, ilaalla gagate gede daaqqanno.

AMOOTSI 9:5

Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

NAHOOMI 1:5

Kaaliiqi albaanni ilaalla huxidhanno, gaarrano daaqqanno. Kaaliiqi daanno yannara, baatto shashshafantanno. Kalqenna aanase noori baalu huxi'ranno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

ZAKKAARIYAASI 14:4

Hatte yannara, isi Yerusaalamete soojjaatoonni noohura Ejedhete Ilaali aana uurranno; hala'ladu lagichi Ejedhete Ilaala soojjaatinni galchimira hige ha're lamewa badanno; kunnira, daratu ilaali aliyyera, daratu ilaali qole wodiidira hige gatanno.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

EJJEETTO 5:4

Kaaliiqa, ati Seiiri Ilaalinni fulitto yannara, Edoomi gobbanni kaitto yannara, baatto huxidhu. Gorduwano xeena facci assite agurtu; gomichuwano waa lolaassu.